Staršynia Baranavickaha harvykankama Viktar Dzičkoŭski daručyŭ stamatołaham adnavić tradycyju pratezavańnia zołatam.
«Treba adnavić tradycyjnyja vidy pratezavańnia, - adznačyŭ jon na pasiadžeńni harvykankama. - Va ŭsim śviecie pierajšli da zołata. Kaliści byli prablemy - materyjał nie ŭsie mahli kupić, čerhi ... Ciapier dostup u nasielnictva jość, a pasłuha nie akazvajecca tym, chto choča ».
Baranavickija stamatołahi zapeŭnili, što nieŭzabavie załatyja zubnyja pratezy možna budzie ŭstavić i ŭ Baranavičach.«My ŭžo vyrašajem pytańnie z atrymańniem licenzii na pracu z kaštoŭnymi mietałami u licenzijnym kamitecie», - adznačyŭ hałoŭny ŭrač Baranavickaj centralnaj palikliniki Viktar Michajłoŭski.
U Biełarusi licenziju na pracu z kaštoŭnych mietałaŭ pakul majuć šeść klinik.
Cikavaść da załatych karonak, pa słovach zahadčyka artapiedyčnaha adździaleńnia Baranavickaj stamatałahičnaj palikliniki № 2 Alaksieja Bahasłoŭskaha, zachavałasia ŭ ludziej starejšaha pakaleńnia. Akramia taho, pratezy z vysakarodnych mietałaŭ nie vyklikajuć alerhii. «Čerhaŭ, viadoma, nie budzie, ale popyt na takoje pratezavańnie jość», - adznačyŭ Alaksiej Bahasłoŭski.