U Kastryčnicki RAUS Viciebska zabrali aktyvistaŭ partyi BNF — ciapierašniaha staršyniu abłasnoj arhanizacyi Leanida Aŭtuchova i byłoha kiraŭnika hetaj struktury Kastusia Smolikava. U handlovym centry «Evikom» jany razdavali ŭlotki z zaprašeńniem na mitynh 25 sakavika.
Pavodle Leanida Aŭtuchova, pravieści imprezu ŭ Parku kultury i adpačynku čyhunačnikaŭ jany vyrašyli ŭ lubym vypadku — navat kali nie budzie dazvołu rajonnych uładaŭ:
«Adkazu na maju zajaŭku mnie tak i nie dasłali. Ale ja liču, što treba pravodzić imprezu niezaležna ad verdyktu administracyi Čyhunačnaha rajonu. My — zarehistravanaja partyja, majem prava na vykazvańnie svajoj pazycyi. Heta patłumačyli i achovie "Evikoma", i milicyjantam».
Na 25 sakavika ŭ Viciebsku zamaŭlali dva mitynhi.Adzin — ad imia aktyvistaŭ partyi BNF, druhi — ź inicyjatyvy kiraŭnika abłasnoj struktury ruchu «Za svabodu» Chrystafora Žalapava i sacyjał-demakrata Alaksieja Haŭrucikava, adnapartyjca Mikałaja Statkieviča. Spadary Žalapaŭ i Haŭrucikaŭ atrymali admovu ad administracyi Pieršamajskaha rajonu: im paviedamili, što jakraz 25 sakavika ŭ parku imia 30-hodździa UŁKSM dla ichnaha mitynhu niama miesca, bo tam z 14.00 da 19.00 buduć pravodzicca spartovyja mierapryjemstvy.
0
0
0
0
0
0
