Urad źbirajecca ŭtrymać inflacyju na ŭzroŭni 12%

Abjektyŭnych pryčyn dla pavieličeńnia cen u Biełarusi niama, zajaviŭ vice-premjer Piotr Prakapovič siońnia na pres-kanfierencyi ŭ Minsku.

Pavodle jaho słoŭ, niahledziačy na rezki rost cen u pačatku hetaha hoda (u studzieni-lutym inflacyja skłała 4,3%), urad źbirajecca ŭtrymać hadavy pakazčyk inflacyi na ŭzroŭni 12%.

Jak patłumačyŭ Prakapovič, rezki rost inflacyi adbyŭsia z-za pavyšeńnia taryfaŭ na pasłuhi ŽKH, a taksama cen na likiora-harełačnyja vyraby i inšyja pradukty.

U toj ža čas, adznačyŭ vice-premjer, ceny na miasa-małočnuju i płodaaharodninnuju pradukcyju raśli bolš pavolna, čym praduhledžana prahnozam.

«My pryniali rašeńnie časova pakul nie pavialičvać ceny, u tym liku na pasłuhi ŽKH.

Pryniali rašeńnie ab interviencyjach na rynku pa inšych kirunkach», — skazaŭ vice-premjer.

«Abjektyŭnych pryčyn dla rezkaha rostu cen u nas niama. Usie abjektyŭnyja faktary havorać ab tym, što ceny ŭ nas pavinny być stabilnymi», — padkreśliŭ Piotr Prakapovič.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH