Supracoŭnikami adździeła kryminalnaha vyšuku Savieckaha RUUS Minska zatrymany24-hadovy žychar stalicy, jaki nidzie nie pracuje. Jon padazrajecca ŭ machlarskich dziejańniach.
Jak paviedamili ŭ HUUS Minharvykankama, u internecie małady čałaviek znajšoŭ abjavu ab prodažy płanšeta. Pa telefonie jon damoviŭsia z pradaŭcom ab canie ŭ 400 dołaraŭ i ab sustrečy. Ahledzieŭšy tavar, małady čałaviek zajaviŭ, što hatovy kupić płanšet, ale biełaruskich hrošaj niama, jość tolki rasijskija, i pakazaŭ 15.000 rubloŭ RF (3 kupiury pa 5.000 rubloŭ). U ekvivalencie suma składała paŭtysiačy dołaraŭ, tamu vyrašyli, što pradaviec daść pakupniku zdaču 1,1 miljona biełaruskich rubloŭ. Paśla ažyćciaŭleńnia ździełki pakupnik pajechaŭ, pradaviec pajšoŭ abmieńvać valutu.
Adnak pry abmienie mužčynu rastłumačyli, što rasijskija kupiury 1992 hoda vypusku ŭžo nie źjaŭlajucca płaciežnym srodkam. Zrazumieŭšy, što staŭ achviaraj padmanu, pradaviec hadžeta źviarnuŭsia z zajavaj u milicyju.
Supracoŭniki kryminalnaha vyšuku Savieckaha RUUS ustanavili asobu złamyśnika i zatrymali jaho. Praviarajecca datyčnaść zatrymanaha da inšych złačynstvaŭ.
0
0
0
0
0
0
