Viadučaja kulinarnaha konkursu raskazała, jakich dziaŭčat lubili našy prodki ŭ «słaŭnyja časy VKŁ».
Na vystavie možna było pamierać cisk.
Kłubnaja simvolika pa-biełarusku — redkaja źjava.
Na vystavie možna było pamierać i nabyć spartyŭny abutak i vopratku.
Vystava budzie pracavać da 22 sakavika.
Zdarovaje charčavańnie, ekałohija žylla, spartyŭnaje i turystyčnaje abstalavańnie, vopratka i abutak, kaśmietyka i srodki hihijeny — taki pryblizny śpis tematyčnych raździełaŭ vystavy «Zdarovy ład žyćcia — Minsk».
Na spartyŭnaj placoŭcy idzie demanstracyja praktykavańniaŭ adnaho ź vidaŭ uschodnich adzinaborstvaŭ. Na impravizavanaj scenie 4-hadovy chłopčyk usim svaim vyhladam pakazvaje, što siłu cieła i duchu treba pačynać hartavać z rańniaha ŭzrostu.
Paviercham vyšej pačynajecca kulinarny konkurs na lepšuju stravu biełaruskaj kuchni. «U słaŭnyja časy VKŁ ideałam žanočaj pryhažości była strojnaja rusaja dziaŭčyna. U toj čas jak u našych maskoŭskich susiedziaŭ u modzie byli pulchnyja dziaŭčaty», — robić ekskurs u historyju viadučaja. Sakret strojnaści tahačasnych pryhažuń u tym, kaža jana, što našy prodki ŭžo tady viedali sakrety zdarovaj i karysnaj ježy.
«U vas jość prablemy z vałasami? Tady vam da nas!» — zavučanym tonam zaprašaje da vystavy kaśmietyki vałanciorka čarhovuju «achviaru».
Na vystavie možna pamierać cisk i rost. «Staptałasia za hod. Letaś była na santymietr vyšej», — uśmichajecca svajoj siabroŭcy stałaha vieku žančyna. Jaje słovy natchniajuć niekalkich naviednikaŭ i tyja vystrojvajucca ŭ čarhu na «prymierku».
Tym, chto taksama choča daviedacca pra sakrety zdarovaha charčavańnia, nabyć lekavy travazbor, ci prosta pamierać cisk i rost, nahadajem — vystava pracuje da 22 sakavika.
