«Biełrosbank» pierajmienavany ŭ «Alfa-Bank Finans»

Nacyjanalnym bankam Biełarusi zarehistravanyja źmianieńni ŭ statut ZAT «AKB «Biełrosbank», źviazanyja sa źmianieńniem jaho nazvy na ZAT «Alfa-Bank Finans».

Jak paviedamili ŭ pres-słužbie banka, źmianieńnie jaho nazvy abumoŭlena źmienaj asnoŭnaha akcyjaniera i intehracyjaj u bankaŭskuju hrupu «Alfa-Bank». Tak, 18 śniežnia 2012 hoda bankaŭskaja hrupa «Alfa-Bank» zaviaršyła ździełku pa nabyćci AKB «Biełrosbank».

Inšyja rekvizity banka (adras, kod banka, numary rachunkaŭ klijentaŭ i inš.) nie źmianilisia.

«Źmianieńnie nazvy banka nie paciahnie za saboj jakich-niebudź źmianieńniaŭ pravoŭ i abaviazkaŭ banka ŭ adnosinach da svaich klijentaŭ i kontrahientaŭ.

Pieraafarmleńni dahavoraŭ z vykarystańniem novaj nazvy banka nie patrabujecca, usie dahavory i pahadnieńni, zaklučanyja bankam raniej, zachoŭvajuć svajo dziejańnie», — padkreślili ŭ pres-słužbie biełaruskaha banka.

Absłuhoŭvańnie klijentaŭ (jurydyčnych asob, indyvidualnych pradprymalnikaŭ i fizičnych asob) budzie ažyćciaŭlacca ŭ raniejšym paradku.

Jak raniej zajaŭlaŭ staršynia Savieta dyrektaraŭ Bankaŭskaj hrupy «Alfa-Bank» Piotr Avien, «kupla „Biełrosbanka“ — heta paćviardžeńnie płanaŭ doŭhaterminovaj prysutnaści „Alfa-Banka“ na biełaruskim rynku i čarhovy krok da pašyreńnia prysutnaści bankaŭskaj hrupy na finansavych rynkach krain SND».

ZAT «AKB «Biełrosbank» — univiersalny bank, pracuje na rynku Biełarusi z 2003 hoda. Absłuhoŭvaje prykładna 100 tysiač klijentaŭ. Rehijanalnaja sietka banka pradstaŭlena 46-ju padraździaleńniami i punktami prodažu pa ŭsioj krainie.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH