Stali viadomymi niekatoryja padrabiaznaści vystupu staršyni Hrodzienskaha abłvykankama Siamiona Šapiry ŭ HrDU. Nahadajem, ministr adukacyi Siarhiej Maskievič prezientavaŭ kalektyvu HrDU novapryznačanaha rektara Andreja Karala. Na pasiedžańni prysutničali haradzienskija čynoŭniki z abłasnoha i haradskoha adździełaŭ adukacyi.
Paśla Maskieviča ŭziaŭ słova staršynia abłvykankama Siamion Šapira.
U svaim vystupleńni jon pachvaliŭ univiersitet za technałahičnyja dasiahnieńni i raskrytykavaŭ za promachi ŭ ideałahičnaj pracy. Pra heta raskazali prysutnyja na sustrečy.
Šapira ŭpiknuŭ byłoha rektara Jaŭhiena Roŭbu, što toj marudziŭ sa zvalnieńniem Andreja Čarniakieviča praz svajo znajomstva z baćkam historyka, jaki taksama pracavaŭ va ŭniviersitecie. Staršynia abłvykankama pryznaŭsia, što jon ułasnaručna daŭ zahad zvolnić adnaho z aŭtaraŭ padručnika «Hrodnaznaŭstva» Andreja Čarniakieviča.
Prysutnyja na sustrečy — univiersiteckaja viarchoŭka — pravodzili Šapiru apładysmientami. Ale nie mienšymi apładysmientami jany ŭznaharodzili i byłoha rektara. Jak raskazvajuć ludzi z Hrodna, jamu zładzili avacyju stojačy. Sam Roŭba adno zajaviŭ, što «ja vierna słužyŭ».
Voś takija «akademičnyja svabody» panujuć u biełaruskich univiersitetach.
