Supracoŭniki kryminalnaha vyšuku UUS Minabłvykankama i Minskaha RUUS zatrymali hrupu sieryjnych złodziejaŭ, jakija na praciahu miesiaca abakrali siem pryvatnych damoŭ u Minskim i Dziaržynskim rajonach.
Jak paviedamili ŭ adździaleńni infarmacyi i hramadskich suviaziaŭ UUS Minabłvykankama, z pačatku hoda ŭ Minski RUUS i Dziaržynski RAUS pastupali zajavy ad dačnikaŭ ab tym, što nieviadomyja abkradali ich damy. U kancy lutaha apieratyŭniki vyjšli na śled złačyncaŭ. Pa padazreńni ŭ sieryi kradziažoŭ byli zatrymanyja piaciora minčan, starejšamu ź jakich 30 hadoŭ, a małodšamu — 20, čaćviora ŭžo sudzimyja za kradziažy.
Čaściej za ŭsio złačyncy arudavali ŭ niadaŭna pabudavanych, a taksama damach u stadyi budaŭnictva, adkul vykradali, u pieršuju čarhu, darahija budaŭničyja instrumienty.Padazravanych cikavili damy sa słaba ŭmacavanymi dźviaryma ci nizka raźmieščanymi voknami, jakija było lohka vybić.
Častku vykradzienaha złačyncy paśpieli pradać, astatniaje budzie viernuta zakonnym uładalnikam.
U dačynieńni da zatrymanych raspačata kryminalnaja sprava pavodle častki 1 artykuła 205 KK (kradziež).
0
0
0
0
0
0