Devid Bekchem — samy bahaty futbalist śvietu 1

Brytaniec Devid Bekchem, jaki zaraz vystupaje za francuzski «Pary Sen-Žermien», uznačaliŭ śpis samych bahatych futbalistaŭ płaniety pavodle viersii sajta Goal.com. Bahaćcie futbalista aceńvajecca ŭ 261 młn dalaraŭ.

Bekchem apiaredziŭ Lijanela Miesi z «Barsiełony» i zorku «Reała» Kryštyjanu Ranalda. Bahaćcie Miesi aceńvajuć u 172 młn. dalaraŭ, Kryštyjanu Ranalda — 167 młn.

Na čaćviortym miescy — Kaka -- taksama hulec «Reała», z 99 młn. Zamykaje piaciorku najbahaciejšych futbalistaŭ Ranałdzińjo z brazilskaha «Atletyka Miniejra» z 94 młn.

Na šostym miescy — adziny futbalist z rejtynhu-50, stvoranaha Goal.com, jaki vystupaje za rasijski kłub. Samiuel Eto'o, jaki abaraniaje kolery mačachkalinskaha «Anžy», źjaŭlajecca ŭładalnikam 78 młn dalaraŭ. 50-je miesca ŭ Alesandra Nesty, jaki ciapier vystupaje za kłub MLS (paŭnočnieaamierykanskaja supierliha) «Manreal Impekt».

Majomaść kožnaha futbalista ŭklučaje zarobak, bonusy, rekłamnyja kantrakty i roznyja aktyvy.

U toj ža čas Goal.com nie maje dostupu da bankaŭskich rachunkaŭ futbalistaŭ, tamu realnaje bahaćcie futbalistaŭ moža trochi adroźnivacca ad tych ličbaŭ, jakija pryvodzić sajt.

Goal.com — najbujniejšy futbolny sajt u śviecie. Sajt publikuje materyjały na 15 movach, supracoŭniki vydańnia pracujuć u 50 krainach płaniety.

U minułym hodzie ŭ rejtynhu France Football na pieršym miescy byŭ Miesi z 42,9 młn dalaraŭ. Bekchem aceńvaŭsia ŭ 41 młn dalaraŭ, a Kryštyjanu Ranalda — u 38 młn.

Tady dachody futbalistaŭ raźličvalisia tolki na asnovie zarobkaŭ i pracentu ad rekłamy.

0

0

0

0

0

0

Bi-Bi-Si

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH