Moładzievaja hramadskaja arhanizacyja «Alternatyva» (zarehistravanaja ŭ Łatvii) raspačała zbor podpisaŭ siarod žycharoŭ biełaruskaj stalicy z prapanovaj da ŭłady pabudavać pomnik Kastusiu Kalinoŭskamu.Sabranyja podpisy razam z adpaviednym zvarotam aktyvisty nakirujuć u Minharvykankam, Saviet deputataŭ, a taksama ŭ Ministerstva kultury.
«Alternatyva» prapanuje haradskoj uładzie adobryć ideju budaŭnictva pomnika lidaru paŭstańnia 1863–64 h. na terytoryi Biełarusi, razam z tym arhanizavać sumiesna z hramadskaściu konkurs na vyznačeńnie najbolš jaskravaha manumienta. Ustalavać jaho prapanujecca niedaloka ad Usichśviackaj carkvy, u skviery, na pierasiačeńni praśpiekta Niezaležnaści z vulicaj Kalinoŭskaha. Na pytańnie, čamu pomnik musić znachodzicca mienavita na hetym miescy, adkazaŭ lidar «Alternatyvy» Aleh Korban:
«Čamu my vyrašyli abrać hetuju kropku, a nie centr stalicy?Pryviadu našyja arhumienty:
1.
Pobač z hetym miescam pačynaŭsia ruch za adradžeńnie Baćkaŭščyny, adsiul pačynalisia znakamityja „Dziady“ u 1988 hodzie,jakija stali pačatkam novaj chvali ŭvaskrašeńnia Biełaruščyny, niezaležnaści, svabody ad savietčyny. Hetaje miesca simvaličnaje.
2.
Praz 100 mietraŭ pačynajucca Uschodnija mohiłki. Tut pachavanaja nie tolki savieckaja elita, ale i našyja narodnyja pravadyry, honar i sumleńnie nacyi — Karatkievič, Karpienka, Mulavin, Bykaŭi šmat inšych vybitnych dziejačoŭ.
3.
Łahična, kab pomnik Kalinoŭskamu znachodziŭsia tam ža, dzie i vulica ŭ honar jaho imia.Prynamsi, jon moža znachodzicca na hetym miescy, pakul u krainie nie źmienicca palityčnaja situacyja, tady i samu vulicu razam z pomnikam možna było budzie pieranieści ŭ centr. Vidavočna, siońnia ŭłada na takija sastupki nie pojdzie, tamu nam treba dabivacca ad jaje realizacyi najbolš kampramisnaha varyjanta.
4. Hetaje miesca — nie ŭskraina horada, heta nie Malinaŭka, nie Sucharava, nie Šabany. Pobač znachodzicca Nacyjanalnaja biblijateka. Pa vulicy Kalinoŭskaha štohod rušyć šeście na „Dziady“ u Kurapaty.
5.
Pabudavany pomnik budzie sustrakać usich, chto ŭjazdžaje ŭ horad z boku Maskvy,a taksama z nacyjanalnaha aeraportu. Takim čynam, Kalinoŭski budzie vitać usich dypłamataŭ, asnoŭnuju častku turystaŭ i h.d. Za pomnikam pačynajecca skvier, jaki viadzie da Usichśviackaj carkvy, jakaja, darečy, źjaŭlajecca
Aktyvisty «Alternatyvy» zaprašajuć usich achvotnych vałancioraŭ da ŭdziełu ŭ zbory podpisaŭ. Źviazacca z kamandaj zborščykaŭ podpisaŭ možna pa telefonie:
