Pavodle źviestak Nacyjanalnaha statystyčnaha kamiteta, kala 65% biełaruskich dziaciej va ŭzroście ad 2 da 14 hadoŭ doma padviarhajucca h.zv. hvałtoŭnym mietadam dyscyplinavańnia, jakija ŭklučajuć u siabie jak psichałahičny cisk, tak i fizičnaje pakarańnie.
Chłopčykaŭ, pavodle statystyki, karajuć čaściej, čym dziaŭčynak: 67% suprać 62% adpaviedna.
Dziciačaja praca, jak pakazali daśledavańni, taksama vykarystoŭvajecca ŭ Biełarusi.
Ličycca, naprykład, što kali dzicia va ŭzroście 5--11 hadoŭ choć by hadzinu na praciahu tydnia da taho, jak pravodziłasia daśledavańnie, pracavała pa-za domam abo 28 hadzin z hetaha tydnia pryśviaciła chatniaj pracy: myćciu posudu, uborcy i h.d, to jano ŭłučana ŭ dziciačuju pracu.
U Biełarusi, takim čynam, u roznyja formy dziciačaj pracy ŭciahnutyja 1,4% niepaŭnaletnich va ŭzroście ad 5 da 14 hadoŭ. Pryčym, u sielskaj miascovaści dziciačaja praca vykarystoŭvajecca čaściej, čym u horadzie.