Aŭtanomny pažarny apaviaščalnik vyratavaŭ žyćcio piaci čałaviek

U Małaryckim rajonie aŭtanomny pažarny apaviaščalnik dapamoh praduchilić hibiel piaci čałaviek, u tym liku dvuch małaletnich dziaciej.

Jak paviedamiŭ pres-sakratar Bresckaha abłasnoha ŭpraŭleńnia MNS Siarhiej Mašnoŭ, pažar u pryvatnym žyłym domie ŭ vioscy Arechava zdaryŭsia 9 sakavika, a druhoj hadzinie nočy.

Ad spracoŭki aŭtanomnaha pažarnaha apaviaščalnika pračnuŭsia 35-hadovy haspadar doma, jaki razbudziŭ usich, chto znachodziŭsia ŭ domie, i jany paśpieli vyjści na vulicu.

Heta 32-hadovaja žonka viaskoŭca, dvoje ich dziaciej (10-hadovy syn, dvuchhadovaja dačka), a taksama 48-hadovy mužčyna, jaki znachodziŭsia ŭ ich u haściach.

Pažar byŭ likvidavany ratavalnikami za 24 chviliny. Ahniom paškodžany ścieny, pierakryćcie i majomaść u domie.

Mierkavanaja pryčyna pažaru — parušeńnie praviłaŭ ekspłuatacyi piačej, ciepłahienieryrujučych ahrehataŭ i prystasavańniaŭ (vypadzieńnie vuholla z topki aciaplalnaha katła).

Jak zaznačyŭ Mašnoŭ, u Bresckaj vobłaści z pačatku hetaha hoda apaviaščalniki dapamahli praduchilić hibiel siami žycharoŭ rehijonu, u tym liku traich dziaciej.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH