Lehiendarny hitaryst Black Sabbath Toni Ajomi napisaŭ pieśniu, jakaja budzie pradstaŭlać Armieniju na «Jeŭrabačańni». Hrupa Dorians ź Jerevana vykanaje jaho rok-baładu Lonely Planet na konkursie 2013 hoda ŭ Šviecyi.

U apošnija hady Ajomi niekalki razoŭ pryjazdžaŭ u Armieniju, dzie ŭdzielničaŭ u vypusku alboma, meta jakoha — sabrać hrošy ŭ dapamohu paciarpiełym ad razburalnaha ziemlatrusu 1988 hoda.

Adzin z zasnavalnikaŭ kultavaha birminhiemskaha rok-hurtu Black Sabbath zajaviŭ, što napisańnie pieśni dla «Jeŭrabačańnia» stała dla jaho novym dośviedam.

«Ja šmat čaho rabiŭ [ŭ žyćci], ale takoha — nikoli», skazaŭ jon.

«Sprava ŭ tym, što ja zaŭsiody dumaŭ: „O, nie, tolki nie Jeŭrabačańnie“. I voś, ja zaraz tut».

Ajomi byŭ adnym ź niekalkich znakamitych rok-muzykaŭ, jakija zapisali albom «Rock Aid-Armenia», srodki ad prodažu jakoha pajšli ŭ dapamohu paciarpiełym ad śpitakskaha ziemlatrusu 1988 hoda.

Ad udaru stychii, pa aficyjnych dadzienych, zahinuli 25 tysiač čałaviek. Kala paŭmiljona zastalisia biez žylla.

Ajomi skazaŭ, što viarnuŭsia ŭ Armieniju niekalki hadoŭ tamu razam z hitarystam hurta Queen Brajanam Mejem, kab ubačyć, što źmianiłasia za 20 hadoŭ, jakija prajšli paśla ziemlatrusu. Paśla hetaha rok-zorki pačali jašče adnu kampaniju pa zbory srodkaŭ dla adnaŭleńnia muzyčnaj škoły ŭ horadzie Hiumry.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?