Siońnia ŭ Minskim haradskim sudzie biełaruski skulptar Henik Łojka abskardziŭ svoj piacidzionny aryšt, da jakoha byŭ prysudžany za akcyju z nahody Mižnarodnaha dnia rodnaj movy. Sudździa Alaksiej Byčko pakinuŭ prysud bieź źmienaŭ.
«Ja nie dabiŭsia asnoŭnaha — nie dabiŭsia ad dziaržavy biełaruskaj movy, — kaža Łojka. — Sudździa vioŭ pracespa-rusku , niahledziačy na ŭsie maje chadajnictvy. Kali ja spytaŭ čamu, jon skazaŭ, što ŭ sudzie pytańni nie zadajuć. Tamu ja ciapier mahu skazać prostym tekstam: dziaržava źniščaje biełaruskuju movu».
Henik Łojka taksama paviedamiŭ «NN» što nie źbirajecca zdavacca i budzie abskardžvać rašeńnie ŭ vyšejšych instancyjach.
«U nas jość usie nieabchodnyja dakumienty, budziem padavać skarhu na sudździu Ludmiłu Łapo», —paviedamiŭ Łojka.
Nahadajem, što 21 lutaha Henik Łojka pravioŭ akcyju la biełaruskamoŭnaj himnazii № 4 h. Minska. Spadar Łojka ličyć što himnaziju, u jakoj navučalisia jaho dzieci, nielha nazvać biełaruskamoŭnaj, bo ź jaje statutu vykraśleny adpaviedny zapis. Tamu ŭranku Łojka pryjšoŭ da budnyka himnazii z transparantam «Vinšujem ź Mižnarodnym dniom rodnaj movy. Himnazija № 4 była apošniaj biełaruskamoŭnaj škołaj…» Za pikietam nazirali asoby ŭ cyvilnym, a paśla skančeńnia akcyi Łojku aryštavali i abvinavacili va ŭdziele ŭ niesankcyjanavanym mierapryjemstvie (art.23.34 KoAP RB) i pakarali aryštam na 5 sutak.
Sudździa Łapo adchiliła prośbu padsudnaha Łojki, kab sud vioŭsia na biełaruskaj movie, nie dazvoliła pierakładu na biełaruskuju movu, zabaraniła advakatcy apytać śviedku«Takoj nanaviści ja jašče nie bačyła!» — adznačaje piedahoh Tamara Mackievič.pa-biełarusku i navat uniesła zaŭvahu advakatcy ŭ pratakoł.
