Apple imkniecca nie adstavać ad Google, i ŭ 2013 hodzie płanuje prezientavać hadzińnik iWatch: ź jaho možna budzie telefanavać i karystacca kartaj.
Kampanija Apple maje namier pačać prodažy svajho novaha pradukta iWatch ŭžo ŭ 2013 hodzie. Pra heta paviedamlaje ŭ svaim dakładzie Bloomberg sa spasyłkaj na krynicu, znajomuju z płanami kampanii. Pavodle infarmacyi vydańnia, nad raspracoŭkaj hadzińnika ŭ Apple pracuje kamanda z 100 čałaviek.
Pa dadzienych krynicy Bloomberg, u iWatch budzie častka funkcyj, jakija zaraz jość u iPhone i iPad.«My razhladajem takija funkcyi, jak mahčymaść telefanavać pry dapamozie pryłady i bačyć, chto vam telefanuje», - raspaviała krynica vydańnia.
Jana dadała, što pry dapamozie hadzińnika možna budzie daviedacca pa karcie svajo miescaznachodžańnie.U hadžecie taksama źjaviacca krokamier i datčyki, jakija adsočvajuć zdaroŭje karystalnika, naprykład, ličylnik sardečnaha rytmu. Kampanija choča prezientavać publicy pradukt užo ŭ 2013 hodzie, tamu Apple padała 79 patentavych zajavak, jakija ŭklučajuć u siabie słova "zapiaście", a taksama pryłady z hnutkim ekranam, jakija pracujuć ad kinietyčnaj enierhii.
U internecie źjaviłasia videa, što iWatch budzie ŭjaŭlać ź siabie i jakim funkcyjanałam vałodaje. Tak toje, što niekalki hadoŭ nazad zdavałasia fantastykaj, siońnia nabyvaje całkam realnyja rysy.
0
0
0
0
0
0
