U najbližejšaj pierśpiektyvie źmienaŭ norm uvozu tavaraŭ dla asabistaha karystańnia na terytoryju Mytnaha sajuza nie pradbačycca.Pra heta paviedamiŭ na
Jon nahadaŭ, što hetyja normy byli ŭstanoŭleny pahadnieńniem u miežach MS ab pieramiaščeńni tavaraŭ fizičnymi asobami dla asabistaha karystańnia. «Zaraz viadziecca praca pa implemientacyi hetaha pahadnieńnia ŭ Mytny kodeks Mytnaha sajuza», — adznačyŭ Arłoŭski.
Pavodle jaho słoŭ, mytnyja orhany krain MS praviali vialikuju rabotu pa dapracoŭcy dakumienta.
«Padrychtavana mnostva papravak, jany ŭžo adpracavany ŭ troch krainach.Płanujecca, što na nastupnym tydni ŭ Maskvie adbudziecca praktyčna finišnaja dapracoŭka ŭniesienych źmienaŭ», — skazaŭ Arłoŭski, adznačyŭšy, što ŭ hetyja źmianieńni ŭvajšło ŭ tym liku pahadnieńnie ab pieramiaščeńni tavaraŭ fizičnymi asobami dla asabistaha karystańnia.
«Pry pieraniasieńni jaho ŭ kodeks pytańnie ab źmienie norm uvozu abo vyvazu abmiarkoŭvałasia, ale rašeńnie pryniata nie było. Tamu najbližejšym časam źmienaŭ pa normach uvozu nie pradbačycca», — adznačyŭ Arłoŭski.
Nahadajem, ciapier biez vypłaty mytnych pošlin i padatkaŭ fizičnyja asoby mohuć uvozić u supravadžalnym i niesupravadžalnym bahažy tavary (za vyklučeńniem transpartnych srodkaŭ), ahulny košt jakich nie pieravyšaje sumu, ekvivalentnuju 1,5 tys. jeŭra (avijatranspartam — 10.000 jeŭra), i ahulnaja vaha jakich nie pieravyšaje 50 kh.
Kali norma pieravyšany, to ŭ častcy takoha pieravyšeńnia prymianiajecca adzinaja staŭka mytnych pošlin, padatkaŭ u pamiery 30% mytnaha koštu nazvanych tavaraŭ, ale nie mienš jak 4 jeŭra za kiłahram.
Ałkaholnyja napoi i piva možna pravozić u abjomie nie bolš jak 3 litry ŭ raźliku na adnu fizičnuju asobu, jakaja dasiahnuła 18 hadoŭ. U vypadku pieravyšeńnia (ad 3 da 5 litraŭ uklučna) mytnyja pošliny źbirajucca pa adzinaj staŭcy — 10 jeŭra za litr.
Tytuń i tytuniovyja vyraby možna pravozić u kolkaści nie bolš jak 200 cyharet, ci 50 cyhar (cyharył), ci 250 hramaŭ tytuniu, ci hetych tavaraŭ u asartymiencie ahulnaj vahoj nie bolš jak 250 hramaŭ u raźliku na adnu fizičnuju asobu, jakaja dasiahnuła 18 hadoŭ.