Bujny pažar adbyŭsia 4 sakavika na składzie hatovaj syraviny ŭ horadzie Smalavičy -- płošča pažaru skłała amal 250 kv.m, ahniom źniščana 14 t papiarovych survetak i tualetnaj papiery.
Na likvidacyi pažaru było zadziejničana bolš za dziasiatak adzinak techniki. Paviedamleńnie pra pažar u arandavanym pradpryjemstvam budynku pastupiła ad samich rabotnikaŭ. Kab spravicca z połymiem, jany vykarystoŭvali vohnietušycieli i pažarnyja rukavy. Adnak ahoń chutka raspaŭsiudziŭsia pa papiarovyja survetki i rułony tualetnaj papiery. U momant uzharańnia ŭ vytvorčym korpusie i na składzie hatovaj pradukcyi znachodziłasia bolš za 160 t syraviny, abstalavańnie, pahruzčyki.
Pieršyja dva padraździaleńni prybyli da miesca vykliku praz 4 chviliny. Pažaru byŭ prysvojeny druhi numar vykliku. Byŭ abvieščany zbor asabistaha składu Smalavickaha padraździaleńnia MNS.
Padčas pažaru nichto nie paciarpieŭ. Pradpryjemstva padličvaje škodu.
0
0
0
0
0
0