Jak paviedamlaje Biełstat, letaś Biełaruś arhanizavana naviedali 118 tysiač turystaŭ (na 2,3% bolš, čym u 2011 hodzie). Aceńvajučy situacyju, redaktarka vydańnia «Turizm i otdych» Lilija Kobzik ličyć hetu ličbu haniebnaj.
«Nichto, ja dumaju, nie raźličvaŭ, što budzie takaja stahnacyja. I heta niahledziačy na toje, što zajaŭlajuć u Minsku 400 tysiač turystaŭ, niejkija miljardy pryvodziać, što tam prynosić hety turyzm.Ale zaŭsiody ŭ śviecie mienavita arhanizavanyja turysty ličacca łakmusavaj papierkaj, jakaja pakazvaje, jak raźvivajecca turyzm».
Ekśpiert nie ździŭlajecca, čamu da nas asabliva nie jeduć niemcy ci tyja ž palaki. A italjancy i turki pieraaryjentavalisia na Rasiju i Ukrainu.
«Hety hod na etapie rańniaha braniravańnia pakazvaje, što płyń budzie jašče bolšaja. Kali nie budzie pieraškod, praz paru hadoŭ ci navat sioleta dasiahnie adznaki, jakaja była niedzie 7–8 hadoŭ tamu. Heta 10% biełarusaŭ, jakija mohuć dazvolić sabie vyjazdžać za miažu. Heta prykładna 1 miljon — my z hetaha pačynali, ale paśla kolkaść źnižałasia».
Za 2012 hod Litvu naviedała kala 400 tysiač biełarusaŭ. Biełaruś ža za hod naviedała tolki kala 13 tysiač turystaŭ z
«Raniej, paru hadoŭ tamu, było značna bolš ludziej, biełaruskija sanatoryi i vandroŭki ŭ Biełaruś, Minsk, zamki, pa šlachu VKŁ, tam ža šmat u nas ahulnaj historyi, karystalisia vialikaj papularnaściu.Ale apošnim časam cikavaść źniziłasia, napeŭna, tamu što vašy ceny ŭžo dahaniajuć našy ceny», — raspaviadaje Lijana ź vilenskaj turystyčnaj kampanii ABK Travel.
Pavodle jaje słovaŭ, jašče paru hadoŭ tamu ABK Travel stabilna adpraŭlała lačycca ŭ Biełaruś kala 50 litoŭcaŭ štomiesiac. Ciapier nie zaŭsiody nabirajecca i 10: ludzi ličać, što praściej i prykładna stolki ž pa koštach pajechać va Ukrainu ci Čechiju, kudy viza niepatrebna. Toje ž samaje tyčycca i ekskursijnych turaŭ: pry košcie vizy ŭ 25 jeŭra pahladzieć Minsk i biełaruskija zamki atrymoŭvajecca nie tak i vyhadna.
Zatoje ekskursijnyja tury ŭ Biełaruś karystajucca vialikaj papularnaściu siarod rasijanaŭ, jakich za minuły hod u Biełarusi naličyli 94200 čałaviek.Taksama ŭvieś hod cikaviacca sanatoryjami i lačeńniem u Biełarusi, kaža supracoŭnica maskoŭskaha turystyčnaha ahienctva «Soźviezdije putiešiestvij» Alena i adznačaje pieradnavahodni bum.
Supracoŭnica maskoŭskaha turystyčnaha ahienctva «Soźviezdije putiešiestvij»:
«Lubiać školnikam pakazać, asabliva kali jany prachodziać vajnu, pa ŭsich vašych pomnikach prajechacca. I vielmi karystajecca papularnaściu Biełaviežskaja pušča.Jana ŭnikalnaja, tamu navat nie abmiarkoŭvajecca. Pa lačeńni mahu skazać, što vybirajuć
Varta dadać, što pavodle dadzienych Biełstata, za 2012 hod pasłuhami biełaruskich haścinic skarystalisia 1 824,4 tysiačy čałaviek (amal 1100 tysiač — biełarusy) albo na 5% bolš, čym u 2011 hodzie. A ŭ Litvie, u jakoj žyvie mienš za 3 miljony čałaviek, za hod spynilisia 2 miljony turystaŭ (1,1 miljona — zamiežniki). Pryrost turystaŭ za hod skłaŭ 12,4% — heta druhi pakazčyk u ES paśla Isłandyi (19,6%).
