«Zamiest taho kab vyrašać prablemy, pačynajučy ad sportu i skančajučy achovaj zdaroŭja, vy niedzie sprabujecie pryhoža i pyšna vystupić u srodkach masavaj infarmacyi, časam niedarečna. I niešta zajaŭlajecie, ad čaho bałamucicca ŭsia kraina», — tak acharaktaryzavaŭ Alaksandar Łukašenka medyjnuju aktyŭnaść vice-premjera Anatola Tozika. Va ŭradzie Tozik adkazny za sacyjalnyja prablemy.
Voś niekatoryja ź jaho hučnych inicyjatyva":
«Pa 5 tysiač za naviedvańnie palikliniki, a tyja, chto palać, chaj kampensujuć raschody na lačeńnie».Takuju inicyjatyvu Tozik zrabiŭ, kab biełarusy mieniej chadzili pa daktarach. Pa jahonych źviestkach, 30-40% naviedvańniaŭ paliklinik adbyvajucca biez kankretnaj nahody.
* * *
«Admianić viečarovyja škoły i vučebna-vytvorčyja kambinaty — i padvysić zarobki nastaŭnikam»(6 lutaha na kalehii Ministerstva adukacyi).
* * *
«Prymusić utrymlivać starych baćkoŭ. — Kali pracazdolny čałaviek nia choča padtrymlivać svaich starych baćkoŭ, to jaho treba prymusić. A nie pierakładać hety abaviazak na dziaržavu».(8 lutaha na pasiedžańni kalehii Ministerstva pracy j sacyjalnaj abarony).
* * *
«Baćki musiać całkam apłočvać charčavańnie dziaciej u dziciačych sadkach.— Kaniečnie, my chacieli b, kab baćki chacia b apłočvali poŭny košt charčavańnia svaich dziaciej… u bližejšy čas treba vychodzić chacia b na 60-70% apłaty charčavańnia. Hetyja hrošy my nakirujem na padvyšeńnie zarobkaŭ ludziej, jakija zajmajucca dziećmi». (18 studzienia na pasiedžańni kalehii Ministerstva adukacyi).
* * *
«U Biełarusi niama biespracoŭja jak źjavy.— Kožny, chto žadaje pracavać, moža atrymać takuju mahčymaść. Kali toj, chto nie pracuje i maje specyjalnaść, na praciahu 2 hadoŭ admaŭlajecca ad 30 prapanovaŭ, jaho nielha ličyć biespracoŭnym». (20 śniežnia 2012 hodu na pasiedžańni ŭ parlamencie)