Alaksandr Łukašenka pryznačyŭ svajho byłoha pamočnika pa ekanomicy,eks-kiraŭnika Nacbanka krainy, ciapierašniahavice-prem jera Piatra Prakapoviča «smatraščym» va ŭradzie pa pytańniach madernizacyi vytvorčaści.
«Chaču adrazu rasstavić akcenty. Za hetuju pracu adkazvajuć členy ŭrada, kiraŭniki miascovych orhanaŭ ułady i dyrektary pradpryjemstvaŭ.
A Piatro Piatrovič Prakapovič nakiravany va ŭrad, prabačcie za hetaje słova, «smatraščym» ad imia prezidenta za realizacyjaj hetych prablem.Tak, jon niepasredna kantraluje, vypracoŭvaje sistemu kantrolu i pieršym va ŭradzie arhanizoŭvaje hetuju dziejnaść. Kali vy, Michaił Uładzimiravič [Miaśnikovič], dy inšyja dumajecie, što my pravalim płany pa madernizacyi i za heta adkaža Prakapovič, vy pamylajeciesia», — pracytavała Łukašenku aficyjnaje infarmahienctva BIEŁTA. Hetuju zajavu jon zrabiŭ u piatnicu na pasiadžeńni ŭrada.
Madernizacyju pramysłovaści A.Łukašenka nazvaŭ «stratehičnaj linijaj».
«Smatraščy» — heta termin z ruskaha kryminalnaha žarhonu. Tak zładziei nazyvajuć čałavieka, jaki pryznačany kryminalnymi aŭtarytetami sačyć za paradkam i «abščakom» — h.zn. zładziejskaj kasaj.
Heta nie pieršy vypadak, kali Alaksandr Łukašenka karystajecca turemnym žarhonam. Naprykład, jon časta ŭžyvaje vyraz «nakłaniać».
Situacyja ŭ krainie nie vielmi kiepskaja i nie kiepskaja.
«Situacyja ŭ krainie ŭ nas charaktaryzujecca tym, što ŭ nas niedastatkova dobra, — taki ŭstup zrabiŭ Alaksandr Łukašenka na piatničnaj naradzie.— Situacyja, jakaja ŭ nas skłałasia ŭ minułym hodzie, kateharyčna niedapuščalnaja sioleta. Paŭtor minułaha hoda budzie aznačać nieadkładnuju adstaŭku ŭrada!».
0
0
0
0
0
0