Kala kramy ź biełaruskimi praduktami ŭ Rastoŭskaj vobłaści Rasii.
Ułaśniki praduktovaj kramy ŭ rasijskim Kamiensku-Šachcinskim (Rastoŭskaja vobłaść) vykarystoŭvali kardonnuju postać Alaksandra Łukašenki, kab pryvabić pakupnikoŭ.
Vyjava ŭstalavanaja kala ŭvachodu ŭ kramu. Kardonnaja kopija kiraŭnika biełaruskaj dziaržavy trymaje uźniatym uharu vialiki palec. Takim čynam ułaśniki kramy padkreślivajuć jakaść biełaruskich tavaraŭ, jakija ŭ im pradajucca. Pra heta piša haradskaja hazieta «Pik».
Jak adznačaje aŭtar paviedamleńnia, pakul nieviadoma, ci apraŭdaŭ Alaksandr Łukašenka nadziei uładalnikaŭ kardonnaj fihury, adnak sama ideja takoha chodu ŭjaŭlajecca žurnalistu sumnieŭnaj.
Pry hetym vydańnie aścierahajecca, što ideju aceniać inšyja kamiersanty. Bo tady kolkaść «pieršych asob» na vulicach horada rezka ŭzraście: da prykładu, naviednikaŭ kaviarni hruzinskaj kuchni całkam moža «zazyvać» Michaił Saakašvili. A pradaŭcy centralnaha rynka, iranizuje vydańnie, buduć prosta abaviazanyja skinucca na pomnik staršyni KNR Chu Czińtao.
