Rasijskaja budaŭničaja kampanija «Vierso M» šukaje dla pracy ŭ Biełarusi ekanamista pa pracy i stropalščyka, jakija b vałodali redkimi movami — tureckaj, uźbieksaj, sierbskaj. My pacikavalisia, navošta.
«My zamiežnaja kampanija. U nas pracujuć turki, uźbieki — ź imi treba razmaŭlać», — patłumačyŭ mužčyna pa-rusku ź niebiełaruskim akcentam.
Ad kandydata nie abaviazkova viedać adrazu ŭsie movy. Ale zarobak prapanujecca pa pieršyni nievysoki — ekanamistu 3 młn rubloŭ, stropalščyku — niejkija 2 młn.
Heta značna mienš, čym siaredni zarobak pa krainie ŭ studzieni — 4 368 023 rubli. I ŭ razy mienš, čym siarednija zarobki ŭ badaŭničaj śfiery.
Da kandydataŭ na inšyja vakansii patrabavańni mienšyja, ale hrošy nie bolšyja.
Kampanija «Vierso M» zajmajecca budaŭnictvam, rekanstrukcyjaj i ramontam abjektaŭ kapitalnaha budaŭnictva.
U biełaruskaj stalicy, da prykładu, kampanija, na zamovu Minskaj haradskoj žyllovaj haspadarki, buduje pieršuju čarhu šmatkvaternaha doma z ubudavanymi ofisami i padziemnaj stajankaj kala praśpiekta Dziaržynskaha.
