Ab hetym jon zajaviŭ siońnia, vystupajučy na pasiadžeńni Savieta Ministraŭ, pryśviečanym vynikam
«Situacyja, jakaja ŭ nas skłałasia ŭ minułym hodzie, kateharyčna niedapuščalnaja sioleta, — padkreśliŭ Łukašenka. — Paŭtor minułaha hoda budzie aznačać nieadkładnuju adstaŭku ŭrada!».
U toj ža čas Alaksandr Łukašenka adznačyŭ, što situacyja ŭ krainie nie tak drennaja, udałosia zamacavać pazityŭnyja tendencyi ŭ šerahu śfier. «Pryčyna majoj prysutnaści na pasiadžeńni ŭrada nie ŭ tym, što ŭ nas niešta vielmi drenna. Situacyja charaktaryzujecca tym, što ŭ nas niedastatkova dobra, nie tak, jak treba, jak chaciełasia b», — skazaŭ jon.
Łukašenka padkreśliŭ, što ŭ 2013 hodzie, vyrašalnym dla piacihodki, «važna vyznačycca i, vyznačyŭšysia, papracavać tak, kab praz dva — dva z pałovaj hoda, kali my źbiaremsia pierad usim narodam na Usiebiełaruski narodny schod, nie tak było soramna».
Alaksandr Łukašenka papiaredziŭ, što heta pasiadžeńnie nie pavinna pieratvaracca ŭ samaspravazdačy. «My ŭsie viedajem statystyku, viedajem, jak spracavaŭ urad, rehijony. Mianie cikavić u vystupach adno: kali drenna pa tych ci inšych napramkach, jak budziem dziejničać, kab było lepš, kab było dobra», — skazaŭ jon.
