Pamierła šmatdzietnaja maci, źbitaja pjanym kiroŭcam u Ščučynie. Išła sa škoły ź flikieram 10

Minułaj nočču ŭ balnicy Ščučyna (Hrodzienskaja vobłaść) pamierła šmatdzietnaja žančyna, jakaja atrymała traŭmy ŭ DTZ viečaram 26 lutaha.

A 20-j viečara 26 lutaha, žančyna, jakaja znachodziłasia ŭ adpačynku pa dohladzie za dziciem, viartałasia z baćkoŭskaha schodu. Išła dadomu ŭ viosku pa krai prajeznaj častki vulicy Lenina ŭ Ščučynie nasustrač ruchu transpartu sa śviatłoadbivalnaj paviazkaj.

Najezd na jaje byŭ ździejśnieny aŭtamabilem «Aŭdzi» Paciarpiełaja trapiła ŭ reanimacyju. 14-hadovuju dačku, jakaja išła napieradzie maci i taksama z paviazkaj (tolki na levaj ruce), aŭtamabil nie zakranuŭ.

Paśla najezdu kiroŭca pastaviŭ «Aŭdzi» u haraž. Prykładna praz 40 chvilin paśla DTZ jaho zatrymali.

Utrymańnie ałkaholu ŭ arhaniźmie pieravysiła bolš čym u siem razoŭ dapuščalnuju miaža (dapuščalnaja miaža — 0,3 pramile).

Kiroŭca źmieščany pad vartu. Raniej jon dvojčy zatrymlivaŭsia pjanym za rulom i adzin raz ŭciakaŭ ź miesca DTZ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH