U 2012 hodzie kolkaść turystaŭ, jakija arhanizavana vyjazdžali ź Biełarusi za miažu, skłała 492,8 tys. čałaviek i pavialičyłasia ŭ paraŭnańni z 2011 hodam u 1,5 razu.
Pavodle infarmacyi Nacyjanalnaha statystyčnaha kamiteta, pa stanie na kaniec 2012 hoda ŭ krainie ažyćciaŭlali turystyčnuju dziejnaść 958 arhanizacyj, pasłuhami jakich skarystalisia bolš čym 670 tys. arhanizavanych turystaŭ i 602 tys. ekskursantaŭ.
U krainy SND arhanizavana vyjechali 157 tys. čałaviek, u krainy pa-za SND — 292,7 tys. čałaviek, što bolš za ŭzrovień 2011 hoda adpaviedna ŭ 1,5 razu i ŭ 1,6 razu.
U 2012 hodzie najbolš naviedvalnymi zamiežnymi krainami tradycyjna zastavalisia Rasija, Ukraina, Bałharyja, Hrecyja, Jehipiet, Ispanija, Italija, Litva, Polšča, Turcyja, Češskaja Respublika.Na dolu hetych krain prypadała amal 90% ad ahulnaj kolkaści biełaruskich turystaŭ, jakija arhanizavana vyjazdžali za miažu.
Pavodle źviestak Ministerstva pa padatkach i zborach, u 2012 hodzie na terytoryi Biełarusi ažyćciaŭlali dziejnaść 1.775 subjektaŭ ahraekaturyzmu (na 199 subjektaŭ bolš, čym u 2011 hodzie), u tym liku ŭ Bresckaj vobłaści — 199, Viciebskaj — 401, Homielskaj — 358, Hrodzienskaj — 229, Minskaj — 412, Mahiloŭskaj — 176.
Kolkaść turystaŭ, jakija skarystali pasłuhi ahraekaturyzmu za 2012 hod, skłała 222,6 tys. čałaviek, što ŭ 1,5 razu bolš, čym u 2011 hodzie. Hramadzianie Biełarusi ŭ ahulnaj kolkaści ahraekaturystaŭ skłali 82,7%.
