Chto atrymaje 115 miljonaŭ? Siońnia stanie viadomy łaŭreat premii Hiedrojca A kaho vybrali b Vy? Hałasujcie 3

Prestyžnuju litaraturnuju premiju Hiedrojca sioleta prysudziać druhi raz. Heta premija za najlepšuju knihu prozy. Na ŭznaharodu pretendavali bolš za 40 vydańniaŭ. Žury vybrała ź ich u šort-list 6.

Pieramožca atrymaje hrašovy pryz 12 tysiač dalaraŭ i mahčymaść papracavać u polskim domie tvorčaści. Premiju funduje «Ideja bank».

U šort-list litaraturnaj premii sioleta ŭvajšli: Siarhiej Bałachonaŭ «Ziamla pad kryłami Fieniksa», Alhierd Bacharevič «Hamburhski rachunak Bachareviča», Adam Hłobus «Skazy», Uładzimir Niaklajeŭ «Aŭtamat z haziroŭkaj ź siropam i biez», Ludmiła Rubleŭskaja «Avantury Pranciša Vyrviča, škalara i špieha», Jury Stankievič «Šał».

Ježy Hiedrojc — heta lehiendarny polski redaktar, jaki adkryŭ śvietu talenty Česłava Miłaša i Vitalda Hambroviča. Hiedrojc naradziŭsia ŭ Minsku, tut jahonym imiem nazvanaja vulica.

Cyrymonija hanaravańnia projdzie, a 18:30 u kanfierenc-zale Princess hatela Crowne Plaza (vuł. Kirava, 13). Uvachod volny.

Imia łaŭreata zastajecca ŭ tajamnicy da samaj cyrymonii.

0

0

0

0

0

0

SH

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH