Pjany žychar Kobrynskaha rajona pahražaŭ padarvać rejsavy aŭtobus u Pinsku. Incydent adbyŭsia kala 19 hadzin 27 lutaha.

Aŭtobus Brest — Stolin jechaŭ pa praśpiekcie Žałtoŭskaha, kali adzin z pasažyraŭ raptam paviedamiŭ, što aŭtobus zaminiravany i zajaviŭ pra namier padarvać jaho. U sałonie ŭ hety momant znachodzilisia paŭtara dziasiatka pasažyraŭ.

Kiroŭca tut ža patelefanavaŭ u milicyju. Dla pravierki na miesca vyjechali hrupa Pinskaha HAUS i hrupa raźminiravańnia z Baranavičaŭ.

Supracoŭniki milicyi zatrymali parušalnika hramadskaha paradku. Im akazaŭsia niećviarozy žychar vioski Korčycy Kobrynskaha rajona 1961 hoda naradžeńnia.

Jon jechaŭ da svajakoŭ u Stolinski rajon, ale ciapier źmieščany ŭ izalatar časovaha ŭtrymańnia Pinskaha HAUS.

Pasažyraŭ pierasadzili ŭ inšy dadzieny Pinskim aŭtaparkam aŭtobus, i jany pajechali dalej.

Hrupa raźminiravańnia abśledavała pieršy aŭtobus i nijakaha vybuchovaha prystasavańnia ŭ im nie vyjaviła.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?