«U minuły paniadziełak jon pajšoŭ u pašpartny stoł. Jamu skazali iści ŭ ŽKH, bo jaho ž pryznali pamierłym. Tam jamu skazali, što prapisać nie mohuć,bo pavinny pryjechać dzieci i dać zhodu prapisacca ŭ jahonaj ža kvatery. Pryjechali dzieci, napisali zajavu, kab prapisali. Pajšoŭ raz, skazali pryjści ŭ abied. Pryjšoŭ druhi raz. Skazali źbirać dakumienty i padavać u sud. I tak voś paŭmiesiaca, biedny, chodzić. Ujaŭlajecie?» — raspaviała siastra Mikałaja Špaka Śviatłana.
61-hadovy Mikałaj Špak, u jakoha «haspadary» ŭ Rasii adabrali ŭsie dakumienty, dahetul nie moža aformić piensiju.
«Nu chacia b heta paskoryć usio. A to siadzi i čakaj. Sabrać dakumienty na pensiju — heta nie tak prosta. A ja ž tut taksama atrymlivaju kapieječnuju piensiju — miljon 660 tysiač. A maci 84 hady, što jana jamu tam daść? Vadzili jaho da lekara. Treba zuby pastavić. A što, kali ŭ jaho ŭ rocie adzin zub? Jon ža kazaŭ, što bili tak, što ŭsie zuby vybili. Pastaviać ustaŭnyja skivicy, a imi ci ž možna jeści? Nu, pastaviać jamu z dapamohaj „Čyrvonaha kryža“. Chadziŭ jon da stamatołaha, jany dakumienty na Minsk pasłali.
Kazali, što mohuć pasłać na reabilitacyju ŭ sanatoryj. Ale kudy ty pajedzieš, kali ty biez pašparta?Kamu ty paskardzišsia, kaža. Idzie pa vulicy, chistajecca. Navat u palikliniku schadzić — pašpart patrebny», — kaža Śviatłana.
Mikałaj Špak pajechaŭ na zarobki ŭ Rasiju ŭ 2001 hodzie, kali jamu było 47 hadoŭ.Tolki ŭ
U 2011 hodzie ŭ Biełarusi Mikałaja Špaka z pryčyny doŭhaj adsutnaści pryznali pamierłym.A za hety čas u Rasii ŭ jaho źmianilisia niekalki «haspadaroŭ» — adabraŭšy dakumienty, jany pierapradavali jaho adzin adnamu.
Apošniaje miesca padniavolnaj pracy — rybnaja fierma adstaŭnoha praparščyka rasiejskaha MUS.
Ź siamjoj Špaka, što žyvie ŭ Mazyry, zmoh źviazacca žychar Arenburskaj vobłaści, jakoha Mikałaj prasiŭ pieradać viestki na radzimu. Rodzičy źviarnulisia pa dapamohu ŭ biełaruski vałanciorski ratavalny atrad «Anioł», tyja — u rasiejski valanciorski atrad «Alternatyva», jakomu i ŭdałosia 9 lutaha znajści i vyzvalić biełarusa.