Premjera pieršaha biełaruskaha poŭnamietražnaha animacyjnaha filma «Pryhody Nieścierki» adbudziecca 25 sakavika ŭ minskim kinateatry «Dom kino».Ab hetym paviedamiŭ režysior karciny Ihar Vołčak.
Pieršy pakaz na vialikim ekranie budzie supravadžacca niezvyčajnaj prahramaj. Centralnaj temaj śviata stanie falkłor, bo mulcik pradstaviać na biełaruskaj movie. «My płanujem pravieści hulniu ŭ „ahučvańnie“. Budziem vyklikać hledačoŭ na scenu i prasić ahučyć toj ci inšy frahmient stužki. Zatym projduć
Jany pieratvarajuć zvyčyjnyja hlinianyja zbany ŭ muzyčny instrumient, pieramahajuć kryvažernaha Drakona, jaki vykraŭ niaviestu Nieścierki, i znachodziać upravu na Licha, jakoje pasialiłasia ŭ ich domie.
«Pryhody Nieścierki» — multfilm dla siamiejnaha prahladu. Heta 8 śmiešnych i zachaplajučych historyj, u jakich samy papularny hieroj narodnych lehiend i padańniaŭ Nieścierka sa svaimi nierazłučnymi siabrami sabakam i katom znachodziać vyjście ź luboj situacyi.
Akramia biełaruskamoŭnaj viersii multfilma, jość varyjant na rasijskaj — dla partnioraŭ z SND, i z anhlijskimi subtytrammi — dla inšych krain.
Poŭnamietražnaja animacyjnaja karcina — cełasnaja viersija pieršaha ŭ krainie čysta biełaruskaha multsieryjała «Nieścierka». Ekrannaje žyćcio ŭdałaha viesiełuna pačałosia 10 hadoŭ tamu. U 2003 hodzie vyjšła pieršaja z 8 sieryj, i tolki ŭ minułym hodzie zaviaršyłasia rabota nad apošniaj častkaj. Paśla čaho ŭsie sieryi zmanciravali, pieratvaryŭšy prajekt u poŭny animacyjny mietr na 52 chviliny.