U Biełarusi niama kardynała, tamu nichto nie budzie ŭdzielničać u vybarach novaha Papy

Pradstaŭniki Rymska-katalickaha kaścioła ŭ Biełarusi nie buduć udzielničać u vybarach novaha pantyfika paśla majučaj adbycca 28 lutaha adstaŭki ciapierašniaha Papy Bieniedykta XVI.

Ab hetym paviedamiŭ dyrektar internet-partała biełaruskaha kaścioła catholic.by ksiondz Juryj Marcinovič.

Pavodle jaho słoŭ, Biełaruś nie moža ŭdzielničać u kankłavie — schodzie kardynałaŭ, jaki sklikajecca paśla śmierci abo sychodu ŭ adstaŭku pantyfika dla abrańnia novaha kiraŭnika śviatoha prastoła, pakolki ŭ krainie ciapier niama adkaznaha kardynała.

Ksiondz Juryj adznačyŭ, što adzinym biełaruskim kardynałam sučasnaści byŭ pieršy mitrapalit Minska-Mahiloŭski, staršynia Kanfierencyi katalickich biskupaŭ Biełarusi Kazimir Śviontak, jakoha nie stała ŭ lipieni 2011 hoda.

«Vierahodna, što biskupskaja delehacyja ź Biełarusi budzie ŭdzielničać va ŭračystaściach z nahody ŭvachodžańnia na pasadu novaha Papy», — paviedamiŭ dyrektar partała.

Kanfierencyja katalickich biskupaŭ u Biełarusi, atrymaŭšy źviestki ab sychodzie Bieniedykta XVI z pasady pantyfika, nakiravała 12 lutaha ŭ Vatykan list udziačnaści. Tak, staršynia kanfierencyi hrodzienski biskup Alaksandr Kaškievič ad imia hetaj biskupskaj rady vykazaŭ hłybokuju padziaku papie za pryśviačeńnie žyćcia «Chrystovamu kaściołu i za pastajanny baćkoŭski kłopat pra katalicki kaścioł u Biełarusi».

Biełaruskija katalickija biskupy ad imia duchavienstva i naroda vykazali pantyfiku svajo razumieńnie i salidarnaść, a taksama pažadali jamu mocnaha zdaroŭja.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH