Apłacić elektraenierhiju pa novych praviłach z ulikam uvodu dyfierencyravanych taryfaŭ možna budzie z 1 sakavika. Ab hetym siońnia paviedamiŭ žurnalistam namieśnik hienieralnaha dyrektara pa zbycie enierhii RUP «Minskenierha» Juryj Mišuk.
Pa słovach Juryja Mišuka, usie arhanizacyi, jakija prymajuć dyfierencyravanuju apłatu elektraenierhii ŭ zaležnaści ad abjomaŭ jaje spažyvańnia, hatovyja da pracy z 1 sakavika. «U ciapierašni čas pravodzicca abkatka techničnych detalaŭ sistemy, jakaja dazvalaje aŭtamatyčna vyličać abjom spažyvańnia elektraenierhii pa novych praviłach», — skazaŭ jon.
«Čas pierachodu sa staroj sistemy na novuju — z 1 pa 10 sakavika. Tamu pry mahčymaści rekamiendujecca apłacić elektraenierhiju za luty z 10 pa 25 sakavika.U vypadku apłaty z 1 pa 10 sakavika paśla budzie praviedzieny pieraraźlik», — rastłumačyŭ jon.
Dyfierencyravanaja apłata nasielnictvam pasłuh
***
- Ciapier elektryčnaja enierhija ŭ žyłych damach (kvaterach), abstalavanych va ŭstanoŭlenym paradku elektryčnymi plitami, pa adnastavačnym taryfie budzie kaštavać 324,9 rubla za 1 kVt·hadz, pa dyfierencyravanym taryfie — 227,4 za 1 kVt·hadz u pieryjad minimalnych nahruzak z 22.00 da 17.00 (ciapier — 192,1 rubla) i 649,8 za 1 kVt·hadz u pieryjad maksimalnych nahruzak z 17.00 da 22.00 (ciapier — 548,8 rubla).
- Elektryčnaja enierhija, u kvaterach, abstalavanych hazavymi plitami, pa adnastavačnym taryfie abyjdziecca žycharam krainy ŭ 382,4 rubla za 1 kVt·hadz, pa dyfierencyravanych taryfach — Br267,7 za 1 kVt·hadz u pieryjad minimalnych nahruzak z 22.00 da 17.00 i Br764,8 za 1 kVt·hadz u pieryjad maksimalnych nahruzak z 17.00 da 22.00.
***
- Takim čynam uvodzicca dyfierencyjavanaja apłata za elektraenierhiju i hazazabieśpiačeńnie. Heta praduhledžana pastanovaj Savieta Ministraŭ № 52 ad 23 studzienia 2013 hoda. Zhodna z dakumientam, ustanaŭlivajecca trochstupieńčataja sistema taryfaŭ u zaležnaści ad abjomaŭ spažyvańnia elektraenierhii i hazu.
- Da prykładu, dla hramadzian, jakija pražyvajuć u damach, abstalavanych elektraplitami, pry štomiesiačnym spažyvańni da 250 kVt·hadz elektraenierhii apłata budzie pravodzicca pa taryfach, ustanoŭlenych zakanadaŭstvam.
- Pry spažyvańni ad 250 da 400 kVt·hadz uklučna — pa ŭstanoŭlenych taryfach z prymianieńniem pavyšalnaha kaeficyjenta 1,3, ale nie vyšej za taryfy, jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie. Kali spažyvańnie elektraenierhii pieravyšaje 400 kVt·hadz u miesiac, apłata budzie bracca pa taryfach, što zabiaśpiečvajuć poŭnaje pakryćcio ekanamična abhruntavanych zatrat na ich akazańnie.