Sud Frunzienskaha rajona Minska praciahvaje razhladać spravu Andreja Zababury, kiroŭcy «Porše Kajen», jaki naśmierć źbiŭ 9-hadovaha školnika Ułada Hrudźjeva kala SŠ №23.
* * *
U sudzie pa spravie kiroŭcy«Porše-Kajena» Andreja Zababury jaho advakat Ihar Papkoŭski znoŭ zajaviŭ chadajnictva ab praviadzieńni kompleksnaj aŭtatechničnaj ekśpiertyzy.
Abaronca ličyć nieabchodnym skłaści maštabnuju schiemu miesca DTZ 13 listapada 2012 hoda kala minskaj siaredniaj škoły № 23 na vulicy Pančanki. U joj, na dumku advakata, pavinny być ukazany techničnyja charaktarystyki aŭtamabilaŭ, jakija raźmiaścilisia la bardziura źleva pa chodu ruchu «Porše».
Taksama nieabchodna šlacham hrafičnaha madelavańnia vyznačyć ŭčastki bačnaści placoŭki škoły z «Porše» za try siekundy da najezdu, trajektoryju ruchu školnika za try siekundy da najezdu.Akramia taho, nieabchodna ŭstanavić, na praciahu jakoha času kiroŭca realna moh bačyć chłopčyka na praciahu troch siekundaŭ da najezdu, i vyznačyć, ci źjaŭlajecca hety čas dastatkovym dla acenki kiroŭcam situacyi i pryniaćcia zachadaŭ.
Ranicaj 13 lutaha sudździa ŭžo adchiliła chadajnictvy ab praviadzieńni dadatkovaj ekśpiertyzy, paličyŭšy, što praviedzienaj padčas śledstva dastatkova. Suprać hetaha chadajnictva vystupili i dziaržabvinavaŭca, i paciarpiełyja.
Pa słovach Papkoŭskaha, uličvajučy, što dla praviadzieńnia prapanavanaj im ekśpiertyzy nieabchodnaSam abvinavačvany, pa jaho słovach, hatovy, kab sud źmianiŭ mieru strymańnia z utrymańnia pad vartaj na vyzvaleńnie pad zakład. Dziaržabvinavaŭca — suprać, paciarpiełyja addali rašeńnie hetaha pytańnia na razhlad suda.adzin-dva miesiacy, jon prosić sud źmiakčyć mieru strymańnia Zababury, vyzvaliŭšy jahoz-pad varty.
Sudździa ŭziała čas na pryniaćcie rašeńnia.
* * *
Sudździa Julija Bliźniuk adchiliła abodva chadajnictvy: ab pryznačeńni novaj kompleksnaj ekśpiertyzy i pra źmienu miery strymańnia na padpisku pra niavyjezd.
Zababura pad vartaj znachodzicca ad 7 śniežnia. Sud paličyŭ heta zakonnym, adpaviednym ciažkaści abvinavačańnia.
* * *
37-hadovaha Zababuru vinavaciać pavodle kryminalnaha artykuła «parušeńnie praviłaŭ darožnaha ruchu abo ekspłuatacyi transpartnych srodkaŭ, što paciahnuła pa nieaściarožnaści śmierć čałavieka». Jamu pahražaje da piaci hadoŭ pazbaŭleńnia voli.