Jak paviedamlałasia, ułady Šviecyi admovili Volzie Kłaskoŭskaj, jakaja vydaje siabie za žurnalistku i dziajačku biełaruskaj apazicyi, u vidzie na žycharstva.Pieršy raz jana atrymała palityčny prytułak u Jeŭrasajuzie, karystajučysia najaŭnaściu ŭ jaje publikacyj u niezaležnych ŚMI, a druhi raz sprabavała atrymać vid na žycharstva na hruncie svajho novaha šlubu, zaklučanym z turkam, jaki žyvie ŭ Šviecyi. Adnak pavodle šviedskaha zakanadaŭstva heta nie daje padstavy dla atrymańnia vidu na žycharstva. Da taho ž, jak vyhladaje, z novym mužam Kłaskoŭskaja ŭžo nie žyvie. Prynamsi, šviedskija orhany apieki paličyli stanovišča siamimiesiačnaha dziciaci nastolki niebiaśpiečnym dla jaho zdaroŭja i vychavańnia, što adabrali jaho ŭ mamy.
Darečy, pieršaja emihracyja Kłaskoŭskaj supravadžałasia prykrym kanfliktam z baćkam jaje pieršaj dački, jaki nie pahadžaŭsia na adjezd dziciaci i sprabavaŭ dabicca jaje viartańnia ŭ Biełaruś.
Tady ŭ ŚMI Kłaskoŭskaja padavała kanflikt jak palityčny zakaz suprać jaje.
U adkaz na rašeńnie šviedskich uładaŭ Kłaskoŭskaja vystupiła z šeraham hučnych publikacyj na
Niahledziačy na toje, što, pa słovach Kłaskoŭskaj, jana ŭciakała z «biełaruskaha raju», ad «represij», jaje publikacyi pryciahnuli ŭvahu łukašenkaŭskaj prapahandy. Voś jaki materyjał apublikavaŭ telekanał STV. Pryvodzim jaho dasłoŭna.
«Ułady Šviecyi admovili hramadziancy Biełarusi, žurnalistcy Volzie Kłaskoŭskaj, i jaje
Jak vyrašycca kanflikt i z kim zastaniecca dzicia? Rašeńnie za sudom Šviecyi. U svoj čas Volha Kłaskoŭskaja pisała artykuły pra nibyta parušeńni pravoŭ čałavieka ŭ Biełarusi i vartaściach zachodniaj demakratyi. Zaraz žurnalistka piša pra toje, jak staić sprava z pravami čałavieka ŭ «demakratyčnaj Jeŭropie»
Historyja Volhi Kłaskoŭskaj pačałasia ŭ 2006 hodzie, kali jana razam z maleńkaj dačkoj u pošukach «pravoŭ i svabod» emihravała ŭ Polšču. Adnak nie znajšła supolnaj movy z polskimi ŭładami. Tady i vyrašyła šukać ščaścia ŭ Skandynavii.
U Šviecyju Volha Kłaskoŭskaja trapiła tranzitam praz Narviehiju. Užo tam vyjšła zamuž i naradziła syna. Rašeńnia ŭładaŭ ab vydačy paśviedčańnia na žycharstva joj pryjšłosia čakać u łahierach dla biežancaŭ. Demakratyčny raj, pa słovach Kłaskoŭskaj, u rečaisnaści apynuŭsia piekłam, a jana sama dla jeŭrapiejskich siabroŭ — niaprošanym hościem.
Volha Kłaskoŭskaja, z cykłu artykułaŭ:
«Ja ž tak šmat repartažaŭ zrabiła ab demakratyčnych kaštoŭnaściach Jeŭropy… z dnia ŭ dzień dałdoniła svaim radyjosłuchačam, pisała svaim čytačam. A kolki my kubkaŭ kavy pierapili z tymi ž jeŭrapiejskimi dypłamatami i inšymi misijanierami ŭ Minsku, Varšavie, na roznych furšetach / bankietach — usie razmachvali rukami: maŭlaŭ, małajcom, ludzi! Zmahajciesia za demakratyju ŭ Biełarusi! My z vami! Kali sprava stała datyčyć realnaj dapamohi — usie… umomant źnikli».
Teksty «Skandynaŭskaja demakratyja dla ŭciekačoŭ», «Narviežski kancłahier», «Šviedski durdom» litaralna ŭzarvali Internet. Bo ŭ svaich artykułach žurnalistka prosta padrabiazna apisała praz što joj daviałosia prajści.
Volha Kłaskoŭskaja, z cykłu artykułaŭ:
«U tranzitnym łahiery Tanum (Narviehija). Vakoł ruiny i žudasnyja brudnyja baraki. Les. Nul cyvilizacyi… Tranzitny łahier Chašlemon. Taksama ŭ lesie. Nas sielać u vaśmimiascovy žanočy pakoj. Siamiejnyja pary raźjadnoŭvajuć. A jak ža artykuł 13 Jeŭrapiejskaj kanviencyi pa pravach čałavieka ab «pravie na siamju»? I naohuł raznastajnyja kanviencyi pa pravach čałavieka, jaho asnoŭnych svabodach? … U mnohich abvastrylisia chraničnyja zachvorvańni. [Ale] dastukacca da doktara — z vobłaści fantastyki… A kali ŭ stałovaj paprasiła małaka, dla dziciaci, skazali, što nie pałožana. Maŭlaŭ, tolki da šaści hadoŭ».
Niadziŭna, što niadaŭna AAN pazbaviła Narviehiju statusu krainy z najvyšejšym uzroŭniem vykanańnia pravoŭ čałavieka
Volha Kłaskoŭskaja, z cykłu artykułaŭ:
«Razmaŭlała z [narviežskaj] administracyjaj… ale mianie nichto navat i słuchać nie chacieŭ. Źjeździła ja i ŭ miascovy filijał [viadomaj pravaabarončaj arhanizacyi]. Jany naohuł admovilisia mnie dapamahać… Ja prymaju rašeńnie terminova źjazdžać u Šviecyju. [A tam] nijakich pravoŭ niama. Ja nie mahu karystacca miedycynaj, choć zamužam [za šviedam] aficyjna, nie mahu atrymlivać na dzicia dekretnyja. Viedajecie, jašče krychu — i ja pačnu dumać, što ŭ nas u Biełarusi pravy čałavieka bolš vykonvajucca. U pryvatnaści, u dačynieńni da siamiejnaha zakanadaŭstva, pravoŭ žančyny i pravoŭ dziciaci…».
Siońnia Kłaskoŭskaj i jaje dačce pahražaje departacyja. Los
Zrazumieŭšy, što ŭ Jeŭropie dapamohi nie dačakaješsia, Kłaskoŭskaja źviarnułasia ŭ MZS Biełarusi z prośbaj akazać joj sadziejničańnie ŭ viartańni syna. Na jaje dumku, dziejańni supracoŭnikaŭ mihracyjnaj słužby karaleŭstva iduć nasupierak sa šviedskim i mižnarodnym zakanadaŭstvam.
Andrej Savinych, načalnik upraŭleńnia infarmacyi —
Pavodle adkrytych źviestak, u 2012 hodzie 111 000 zamiežnikaŭ atrymali vid na žycharstva ŭ Šviecyi. I toje, što siarod ich nie znajšłosia miesca biełaruskaj prychilnicy jeŭrapiejskich kaštoŭnaściaŭ, vypadak, viadoma, pryvatny. Ale pakazalny».