30-hadovaja maci vaśmiarych dziaciej, Nataša Charys, čyj śmiarotny dyjahnaz patołahaanatamy nie mahli paćvierdzić try hady, sapraŭdy pamierła ad praźmiernaha ŭžyvańnia napoju «Koka-Koła», paviedamlajuć infarmahienctvy.
Charys štodnia vypivała 10 litraŭ «Koły», što pieravyšaje nie tolki normy razumnaha, ale i ŭ 11 razoŭ vyšej štodzionnaj normy cukru. Blizkija Natašy adznačali, što ŭ jaje raźviłasia sapraŭdnaja zaležnaść ad napoju. Kali jana nie piła «Koły», u jaje pačynałasia sapraŭdnaja łomka. Patołahaanatamy padličyli, što 10 litraŭ «Koły» roŭnyja kiłahrama cukru i 970 milihramam kafieinu. Takuju normu Charys padtrymlivała kožny dzień. Niezadoŭha da śmierci ŭ žančyny parušyŭsia sardečny rytm i vypali ŭsie zuby.
Kampanija «Coca-Cola» admaŭlaje jakuju-niebudź dačynieńnie da śmierci Charys, bo jany nie mohuć być adkaznyja za zdaroŭje spažyŭcoŭ, jakija ŭžyvajuć pradukcyju ŭ praźmiernaj kolkaści. Kali b žančyna vypivała ŭ dzień pa 10 litraŭ sałodkaj kavy, ź joj by zdaryłasia toje samaje.
Pavodle BiełTA
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
