U «Našu Nivu» źviarnuŭsia žychar vioski Pružyniščy Akciabrskaha rajona Homielskaj vobłaści i paviedamiŭ pra niezvyčajnuju źjavu, jakuju naziraŭ siońnia zranku.Ja na imhnieńnie instynktyŭna spałochaŭsia. Było ciomna. Ale praz momant zaharełasia śviatło ŭ chacie, a troški potym i lichtary. Peŭnie, heta nievialikaje palarnaje źziańnie, bo kab mieteor, to koler byŭ by adnastajny, bieły, dy i śviatło nie adklučałasia b», — piša spadar Mikałaj.«12 lutaha, kala 6.30, jašče ŭ ciemry, ja čyściŭ ad śniehu darožku. Raptam nieba zaśviaciłasia zialonym. Śviatło ŭ chacie pahasła, pahaśli i lichtary na vulicy. Praz paru siekund nieba zapałała čyrvonym, potym iznoŭ zialonym. Usio doŭžyłasia siekund vosiem, nie daŭžej.
Na žal, imaviernaść taho, što miascovy žychar naziraŭ NŁA, asteroid ci takoje redkaje ŭ Biełarusi paŭnočnaje źziańnie, dastatkova małaja. Chutčej za ŭsio, heta było efiekt taho, što dreva pavaliłasia na vysakavoltnyja linii elektrapieradač, kažuć u filii «Akciabrskija elektryčnyja sietki» RUP «Homielenierha».
Pryčynaj adklučeńniaŭ elektryčnaści tam nazyvajuć mocnyja śniehapady, jakija pryjšli na Homielščynu: śnieh nalipaŭ na draty, valiŭ drevy. A padzieńnie dreva na vysakavoltnyja ŁEP možna ŭbačyć kiłamietraŭ za dziesiać,kaža supracoŭnik pradpryjemstva. Taksama vyjaviłasia, što vioscy Pružyniščy jašče vielmi pašenciła — elektryčnaść tam źjaviłasia adrazu paśla adklučeńnia. U inšych nasielenych punktach enierhazabieśpiačeńnie adsutničała bolš praciahły čas.
Asnoŭnaja častka incydentaŭ zdaryłasia ŭ niadzielu i paniadziełak, ale padača elektraenierhii była adnoŭlenaja da siońniašniaj ranicy. Ciaham aŭtorka adbyłasia niekalki novych adklučeńniaŭ. Pa stanie na 15:00 12 lutaha elektryčnaść adsutničała ŭ vaśmi nasielenych punktach i na troch fiermach. Ale ŭ «Homielenierha» zaŭpeŭnili, što «situacyja nie stychijnaja i nijak nie adabjecca na nadojach: usie fiermy abstalavany elektrahienieratarami».