Braty Bakijevy jašče ŭ Kyrhyzstanie, Reuters
Žanyš Bakijeŭ u centry Minska, kala kaviarni «Hrunvald», žnivień 2012 h., fota Michaiła Paškieviča
Vajenny sud Kyrhyzstana vynies prysudy Kurmanbieku i Žanyšu Bakijevym.Eks-prezidenta prysudzili da 24 hadoŭ turmy, jaho brata — da pažyćciovaha pazbaŭleńnia voli.
Jak ukazvajecca, Kurmanbieka Bakijeva sud pryznaŭ vinavatym u ździajśnieńni złačynstvaŭ, praduhledžanych art. 304 Kryminalnaha kodeksa, i pryznačyŭ pakarańnie ŭ vyhladzie 24 hadoŭ pazbaŭleńnia voli ŭ sukupnaści z kanfiskacyjaj majomaści i adbyvańniem pakarańnia ŭ kałonii ŭzmocnienaha režymu.
Žanyša Bakijeva sud pryhavaryŭ da pažyćciovaha pazbaŭleńnia voli ŭ sukupnaści pa šaści artykułach z kanfiskacyjaj majomaści. Akramia hetaha, jaho pazbavili voinskaha zvańnia
Kurmanbiek Bakijeŭ paśla pieravarotu ŭ Kyrhyzstanie ŭ krasaviku 2010 h. razam ź siamjoj pierabraŭsia ŭ Biełaruś. Žanyš (Žanybiek) u minułym hodzie taksama byŭ zaŭvažany ŭ Minsku.
U pryvatnaści, 11 śniežnia 2012 h. na
«Prablema z Bakijevym — heta siońnia ŭžo nie prablema ŭ našych adnosinach. Vam patrebien Bakijeŭ? Navošta? Čałaviek žyvie, źjechaŭ, usiakaje byvaje, haduje dziaciej», — skazaŭ Łukašenka. — Žyvie čałaviek, piensiju jamu siudy pieraviadzicie. Byccam by naličana, ale nie pieravodziać», — adznačyŭ Łukašenka. Jon taksama paviedamiŭ, što dzieci Bakijeva za karotki pieryjad času paśpieli vyvučyć biełaruskuju movu.
«Ja nie byŭ siabram Bakijeva, jon byŭ siabram Pucina, Nazarbajeva», — zajaviŭ Łukašenka i, uspaminajučy padziei krasavika 2010 h. u Kyrhyzstanie, dadaŭ. — Jon telefanuje, płača: zabiary dziaciej. Ja kažu: pryjazdžaj razam ź dziećmi».
