Rasija z 11 lutaha ŭviała praktyčny poŭnuju zabaronu na ŭvoz miasa i miasnoj pradukcyi z ZŠA. Jak paviedamiŭ Raśsielhasnahlad, z paniadziełka pačynaje dziejničać abmiežavańnie na ŭvoz u Rasiju zamarožanych śvininy, jałavičyny, miasa indyčki, subpraduktaŭ i hatovych praduktaŭ ź miasa.
Zabarona abhruntoŭvajecca najaŭnaściu ŭ miasie raktapaminu — žyviołahadoŭčaha stymulatara.
Zabarona moža pryvieści da najbujniejšaha handlovaha kanfliktu.
ZŠA zaklikali Rasiju nieadkładna źniać zabaronu na impart amierykanskaj miasnoj pradukcyi i vykonvać abaviazacielstvy, pryniatyja ŭ minułym hodzie, kali Rasija dałučyłasia da SHA, paviedamlaje Reuters.
«ZŠA vielmi rasčaravanyja tym, što Rasija pryniała miery pa prypynieńni impartu amierykanskaha miasa, jakoje vyrablajecca zhodna z najvyšejšymi ŭ śviecie standartami biaśpieki», — zajaviŭ ministr sielskaj haspadarki ZŠA Tom Viłsak.
ZŠA ličać, što Rasieja ihnaruje zaklučeńni ekśpiertaŭ pra biaśpieku amierykanskaha miasa, — z takoj zajavaj vystupili Viłsak i handlovy pradstaŭnik ZŠA Ron Kirk.
«Rasija praihnaravała dbajnyja navukovyja daśledavańni, praviedzienyja mižnarodnaj arhanizacyjaj, jakaja kantraluje charčovyja standarty — Codex Alimentarius Commission, — jakija pakazali, što kambikorm, jakija źmiaščaje raktapamin, biaśpiečny dla žyvioły i ludziej, jakija spažyvajuć ich miasa. Admova Rasiei pryniać vysnovy hetaj arhanizacyi padymaje pytańni ab jaje (Rasiei) prychilnaści być členam hłabalnaj handlovaj sistemy», — havorycca ŭ ich supolnaj zajavie.
Zabarona nie raspaŭsiudžvajecca tolki na kurynaje miasa.
Padstava sanitarnaja, ale vyhladaje, što amierykanskaja pradukcyja nastolki ž niebiaśpiečnaja, jak biełaruskaje małako i hruzinski baržomi. U svoj čas Rasija zabaraniała pastaŭki praduktaŭ ź Biełarusi, Małdovy, Ukrainy i Hruzii, jak tolki adnosiny z hetymi krainami horšali. Ale adkaz ZŠA na takija
