Hipacentr ziemlatrusu znachodziŭsia ŭsiaho za kiłamietr pad ziamloj, pablizu paŭnočnakarejskaha atamnaha palihona.
KNDR painfarmavała ZŠA i Kitaj ab praviadzieńni jadziernaha vyprabavańni jašče napiaredadni dniom, paviedamlaje Reuters sa spasyłkaj na paŭdniovakarejskija ŚMI. Papiarednija atamnyja vyprabavańni pravodzilisia ŭ 2006 i 2009 hadach. Paŭnočnaja Kareja — adna z najbiadniejšych krainaŭ śvietu. Heta tatalitarnaja dziaržava, ułada ŭ jakoj naležyć siamji Kimaŭ.
Pavodle źviestak paŭdniovakarejskaha ŭrada, Pchieńjan nakiravaŭ u paniadziełak adpaviednaje apaviaščeńnie pra budučaje vyprabavańnie Vašynhtonu i Piekinu. U suviazi z tym, što zdaryłasia, Paŭdniovaja Kareja sklikaje ekstranaje pasiedžańnie AAN.
Raniej na terytoryi KNDR byli zafiksavanyja padziemnyja šturški mahnitudaj 5,1. U kancy studzienia Kim Čen Yn vydaŭ sakretny zahad ab zaviaršeńni padrychtoŭki da jadziernaha vyprabavańnia i zapusku cełaha šerahu rakiet, jakija «buduć mieć svajoj cellu ZŠA», a taksama ŭvioŭ u krainie vajennaje stanovišča.
U śniežni minułaha hoda Paŭnočnaja Kareja paśpiachova zapuściła rakietu «Yncha-3», jakaja vyvieła na arbitu spadarožnik, jaki, pavodle źviestak amierykanskich śpiecyjalistaŭ, nie pracuje. Suśvietnaja supolnaść schilnaja razhladać hety prajekt jak prychavanaje vyprabavańnie Pchieńjanam balistyčnaj rakiety vialikaj dalnaści.
