Michaiła Miaśnikoviča sustrakaŭ staršynia Hrodziensaha abłvykankama Siamion Šapira. Fota Vitalija Dziarniejka, «Viečiernij Hrodno».
Hrodzienski błoh s13.ru piša, što dvor adnaho z damoŭ na vulicy Dziaržynskaha pierad pryjezdam premjera ačyścili ad aŭto. Fota Ihara Kvazi.
Hrodzienski błoh s13.ru piša, što dvor adnaho z damoŭ na vulicy Dziaržynskaha pierad pryjezdam premjera ačyścili ad aŭto. Fota Ihara Kvazi.
U studzieni Miaśnikovič naviedvaŭ Baranavičy. Fota Ludmiły Prakopavaj «Intex-press».
8 lutaha premjer-ministr Michaił Miaśnikovič naviedaŭ u Hrodnie respublikanski sieminar-naradu «Industryjalnaje indyvidualnaje žyllovaje budaŭnictva «Pad kluč». U pryvatnaści, kiraŭnik urada aznajomiŭsia sa śpiecyfikaj budaŭnictva i ekspłuatacyi enierhaefiektyŭnych žyłych damoŭ.
Jak heta vodzicca ŭ Biełarusi, vizit vysokaha hościa abiarnuŭsia peŭnymi niazručnaściami dla prostych hramadzian.
Hrodzienski błoh s13.ru paviedamlaje, što kala adnaho z damoŭ na vulicy Dziaržynskaha, pobač ź jakim da 2014 hoda pabudujuć čarhovy enierhaefiektyŭny žyły dom, z učorašniaha viečara žychary nie mahli pryparkavać aŭto ŭ dvary. Kala doma cełuju noč dziažuryli supracoŭniki DAI, kab nichto ź miascovych nie pastaviŭ mašynu la padjezda.
«Učora vypadkova źviarnuŭ uvahu, što asfalt ad śniehu ačyščali jak na vystavu. Tak i apynułasia», — piša adzin z čytačoŭ błoha ŭ kamientarach da paviedamleńnia.
Hazieta «Viečiernij Hrodno», jakaja aśviatlała vizit Miaśnikoviča, papiaredziła svaich čytačoŭ pra mahčymaje pierakryćcio ruchu ŭ centry horada ŭ abied i ŭviečary.
Vydańnie dadaje taksama, što ŭviečary Miaśnikoviča čakaje aficyjnaje adkryćcio adnoŭlenaha Teatra lalek i śpiektakl «Pikavaja dama».
Pierakrytyja vulicy i pačyščany pierad vizitam vysokich haściej asfalt — takaja karcina znajomaja i žycharam Baranavičaŭ. U studzieni tudy taksama naviedvaŭsia Michaił Miaśnikovič. Pra toj pryjezd padrabiazna pisała hazieta «Intex-press».
«Heta vysokaja piersona ... A ŭ vas fotaaparat z teleabjektyvaŭ ... Idzicie fatahrafujcie ... ptušak!» — supracoŭnik milicyi nie dazvoliŭ karespandentu vydańnia sfatahrafavać premjera.
Ciapier u Baranavičach čarhovy aŭrał — hetym razam tut rychtujucca da vizita Alaksandra Łukašenki.
