Žychar Smalenskaj vobłaści pakalečyŭ siabie, vyskačyŭšy na chadu ź ciahnika, kab paźbiehnuć adkaznaści za kradziež.
Jak paviedamiŭ supracoŭnik upraŭleńnia infarmacyi i hramadskich suviaziej MUS Biełarusi Alaksandr Marčanka,
ranicaj 6 lutaha pravadniki i pasažyrka ciahnika Vałhahrad — Brest samastojna vyjavili złodzieja i zatrymali jaho z dokazami złačynstva na miescy złačynstva.
Paciarpiełaj akazałasia
Kali sastaŭ adjazdžaŭ da abłasnoha centra, žančyna sabrała paścielnuju bializnu i paniesła zdavać jaje pravadniku. U hety čas małady čałaviek paśpieŭ adkryć jaje sumačku i vykraści kašalok.Viarnuŭšysia na miesca, bieraściejka vyjaviła kradziež 55 tysiač biełaruskich rubloŭ i tysiačy rasijskich rubloŭ.
Adkinuŭšy abvinavačvańnie ŭ kradziažy, chłopiec pajšoŭ u druhi vahon. Žančyna pabiehła za im razam z pravadnikom i načalnikam ciahnika. Jany znajšli złodzieja ŭ prybiralni, jon paśpieŭ schavać tam kašalok i zabrać hrošy. Padazravany pahadziŭsia addać uziataje z umovaj, što pra zdareńnie nie stanie viadoma milicyi.
Adnak, vyjšaŭšy z zatrymanym u tambur, pravadnik pačaŭ telefanavać u milicyju.Tady małady čałaviek adčyniŭ dźviery vahona i na chadu vyskačyŭ ź ciahnika.
Pry padzieńni jon złamaŭ sabie nahu, mocna ŭdaryŭsia i straciŭ prytomnaść.
Padazravany znachodzicca ŭ špitali pad achovaj. U dačynieńni da jaho raspačataja sprava pa č. 1 art. 205 (kradziež) KK, vyrašajecca pytańnie ab abrańni miery strymańnia ŭ vyhladzie zaklučeńnia pad vartu. Za kradziež złamyśniku pahražaje pakarańnie ŭ vyhladzie pazbaŭleńnia voli terminam da 3 hadoŭ.
