Jak paviedamiła Volha Kłaskoŭskaja, heta zdaryłasia 6 lutaha.
Pavodle słoŭ Kłaskoŭskaj, padstavaj dla takich dziejańniaŭ stała adsutnaść u jaje vidu na žycharstva, u suviazi z čym šviedskija ŭłady pryniali rašeńnie departavać jaje z krainy.
Pra toje, što ŭłady Šviecyi admovili Volzie Kłaskoŭskaj u atrymańni vidu na žycharstva i pryniali rašeńnie ab jaje departacyi biez prava abskardžańnia, stała viadoma ŭ kancy studzienia hetaha hoda.
Kłaskoŭskaja nie maje prava na palityčny prystułak: raniej jana ŭžo atrymlivała status palituciekača,adnak u 2011 hodzie padčas suda nad bratam Alaksandram — byłym milicyjanieram, fihurantam kryminalnaj spravy ab masavych biesparadkach u Minsku 19 śniežnia 2010 hoda — «admoviłasia ad mižnarodnaj abarony i viarnułasia ŭ Minsk padtrymać Alaksandra i jaho siamju». 5 maja 2011 hoda žurnalistka była zatrymana ŭ kvatery brata na pr. Rakasoŭskaha ŭ Minsku, dastaŭlena ŭ Leninskaje RUUS i źbita.
Pavodle słoŭ Kłaskoŭskaj, u žniŭni 2011 hoda jana znoŭ vyjechała ź Biełarusi.Hod tamu vyjšła ŭ Šviecyi zamuž za miascovaha žychara, a ŭ lipieni naradziła syna. Dakumienty na ŭźjadnańnie siamji žurnalistka padavała dvojčy: paśla ŭziaćcia šlubu i naradžeńnia dziciaci. «Zhodna z zakonam, ja maju prava čakać rašeńnia tut, u Šviecyi, ale mnie kažuć, što ja z
