Alaksandr Łukašenka patrabuje istotna palepšyć handlovaje absłuhoŭvańnie nasielenych punktaŭ, dzie adsutničaje stacyjanarnaja handlovaja sietka, a taksama sadoŭnickich tavarystvaŭ, miesc masavaha adpačynku nasielnictva. Ab hetym siońnia kiraŭnik dziaržavy zajaviŭ na spravazdačnym ahulnym schodzie pradstaŭnikoŭ členaŭ Biełkaapsajuza.
«Viaskoŭcaŭ nielha kryŭdzić! Im nieabchodna pradastavić dastatkovy vybar zapatrabavanych tavaraŭ pa prymalnych cenach», — skazaŭ Łukašenka.
«U vioskach žychary hetak ža, jak i ŭ horadzie, pavinny mieć mahčymaść zakazać nieabchodnyja niecharčovyja tavary, u tym liku składanabytavyja, a vy abaviazany vykonvać hetyja zakazy ŭ ścisłyja terminy i z dastaŭkaj dadomu», — adznačyŭ jon, źviartajučysia da prysutnych.
Łukašenka ličyć nieabchodnym pradoŭžyć nabyćcio aŭtamahazinaŭ, tym bolš što na biełaruskich pradpryjemstvach asvojeny ich vypusk.«Prymicie jak majo patrabavańnie, kab kožny taki nasieleny punkt absłuhoŭvaŭsia aŭtamahazinam nie radziej jak 3 razy na tydzień», — padkreśliŭ jon. Jon taksama dadaŭ, što pradaŭcy hetych mahazinaŭ pa zajaŭkach ludziej pavinny dastaŭlać im tavary dadomu, taksama i tym, chto nie zamacavany za sacyjalnymi rabotnikami.
Łukašenka padkreśliŭ, što kaapieratyŭnyja mahaziny treba zrabić bolš pryvabnymi dla pakupnikoŭ jak pa asartymientu tavaraŭ, raznastajnaści pasłuh, tak i pa kultury absłuhoŭvańnia. «Mahazin u vioscy pavinien stać sapraŭdy adnym z centraŭ hramadskaha žyćcia», — skazaŭ kiraŭnik dziaržavy.
Alaksandr Łukašenka źviarnuŭ uvahu na toj fakt, što
