Kapramont, jaki budzie pravodzicca ŭ kvatery, budzie apłačvać ułaśnik žylla, paviedamiŭ namieśnik ministra
Pavodle jaho słoŭ, pryblizna 86% žyllovaha fondu znachodzicca va ŭłasnaści hramadzian.Zhodna sa źmienami ŭ Techničnym kodeksie, jakija «ŭvojduć u dziejańnie najbližejšym časam, buduć skaročany vidy rabot pry kapramoncie, što vykonvajucca za košt biudžetnych srodkaŭ». Usie raboty, jakija buduć pravodzicca ŭ kvatery ŭłaśnika, «buduć apłačvacca im». Razmova idzie pra padvodku i razvodku sistemy vodazabieśpiačeńnia i kanalizacyi, zamienu elektryki, voknaŭ. Pavodle acenki ministerstva ŽKH, novaŭviadzieńnie dazvolić prykładna na 30% źnizić zatraty biudžetnych srodkaŭ na praviadzieńnie kapramontu žyłoha fondu. U svaju čarhu «pavialičacca abjomy kapramontu na tyja ž 30%». Namieśnik ministra padkreśliŭ, što «abjomy kapitalnaha ramontu ministerstva nie płanuje źmianšać».
Šahun pryznaŭ, što niekatoryja vidy rabot buduć dastatkova darahimi dla nasielnictva, tamu praduhledžana apłata ŭ rasterminoŭku, što budzie prapisvacca ŭ dahavory na praviadzieńnie kapramontu.Kažučy pra mahčymaść kredytavańnia rabot pa kapitalnym ramoncie, a taksama ciepłavoj madernizacyi žyłych damoŭ, Šahun zaznačyŭ, što ŭ Biełarusi niama «dastatkovych dastupnych kredytnych resursaŭ dla taho, kab na praciahły termin prakredytavać nasielnictva».
