Adkryćcio kirmaša tradycyjna naviedvaje Lidzija Jarmošyna. Na fota źleva naprava: staršynia łukašenkaŭskaha Sajuza piśmieńnikaŭ hienierał Čarhiniec, staršynia CVK Jarmošyna, namieśnik kiraŭnika Administracyi prezidenta Alaksandr Radźkoŭ.
Prezientacyja novaha ramana Uładzimira Niaklajeva musiła adbycca siońnia, u pieršy dzień Mižnarodnaj knižnaj vystavy ŭ Minsku. Na stendzie Polskaj ambasady ładzicca prezientacyja
Pa słovach supracoŭnikaŭ Polskaj ambasady, da ich padyšli arhanizatary vystavy i zabaranili prezientavać knihu Niaklajeva.Tady prezientacyja pačałasia impravizavana, prosta pierad stendam pasolstva. Ale ŭ chutkim časie da viadučaha, paeta Andreja Chadanoviča, padyšli supracoŭniki achovy i dali piać chvilin na zhortvańnie imprezy.
U dadatak na stendzie kniharni «Łohvinaŭ» arhanizatarami vystavy była zabaronienajaaŭtohraf-siesija Uładzimira Niaklajeva.
* * *
U miežach XX Mižnarodnaj knižnaj vystavy projduć prezientacyi nastupnych knih, jakija sioleta trapili ŭ łonh-list premii imia Ježy Hiedrojca:
7 lutaha
16:00 Andrej Fiedarenka z knihaj “Łancuh”,
17:00 Uładzimir Ściapan z knihaj “Adna kapiejka”,
17:30 Aleś Paškievič z knihaj “Sim' pobѢdiši”.
8 lutaha
16:30 Adam Hłobus z knihaj “Skazy”,
17:00 Ludmiła Rubleŭskaja z knihaj “Avantury Pranciša Vyrviča, škalara i špieha”.
9 lutaha
15:30 Siarhiej Bałachonaŭ z knihaj “Ziamla pad kryłami Fieniksa”,
16:00 Palina Kačatkova z knihaj “Matyli”.
Na stendzie vydaviectva “Łohvinaŭ” majuć adbycca aŭtohraf-siesii aŭtaraŭ.