Hadzina mastactva ŭ Muziei Kupały — 9 lutaha

9 lutaha, a 12-j hadzinie ŭ Dziaržaŭnym litaraturnym muziei Janki Kupały startuje piłotny prajekt «Hadzina mastactva».

Hetym razam junyja tvorcy ź Minskaj dziaržaŭnaj himnazii-kaledža mastactvaŭ i studyi vyjaŭlenčaha mastactva Nacyjanalnaha centra mastackaj tvorčaści dziaciej i moładzi paśla ekskursii pa vystaŭcy «Sustrečy z Hofmanam» i ekskluziŭnaha prahladu multyplikacyjnaha filma atrymajuć mahčymaść stvaryć svaju mastackuju rabotu, pryśviečanuju Ernstu Teadoru Vilhielmu Hofmanu i jaho tvoram.

Akcyja adbudziecca ŭ ramkach Mižnarodnaha vystavačnaha prajekta «Hafmanijana», što ŭžo na praciahu 7 hadoŭ jadnaje amataraŭ tvorčaści piśmieńnika: u vystaŭkach pryniali ŭdzieł bolš za 90 mastakoŭ, kala 1000 rabot žyvapisu, hrafiki, skulptury, dekaratyŭna-prykładnoho mastactva, instalacyj, aŭtarskich lalek adlustroŭvali pieraborlivuju, mudrahielistuju naturu Fantazusa, hałoŭnaha hieroja tvoraŭ piśmieńnika.

«Hadzina mastactva» ŭ Dziaržaŭnym litaraturnym muziei Janki Kupały dapamoža adkryć novyja imiony talenavitych aŭtaraŭ i dałučyć ich da vialikaj kampanii tvorcaŭ z roznych krain. Stvoranyja padčas akcyi raboty buduć ekspanavacca na radzimie Hofmana, u Kalininhradskim abłasnym historyka-mastackim muziei.

Ała Dražyna

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH