Siońniašniaje pasiadžeńnie suda mahło i nie adbycca — za niekalki chvilin da pačatku źjaviłasia infarmacyja, što Varłamavu stała kiepska i ŭsio admianiajecca. Adnak paźniej u sudzie paviedamili, što padsudnaha ŭžo pryvieźli i pasiadžeńnie
Varłamaŭ adkazvaje na pytańni dziaržaŭnaha abvinavaŭcy Antona Zaharoŭskaha. Abvinavačańnie cikaviłasia dziejnaściu PUP «Ahienctva mody Sašy Varłamava», stvoranaha ŭ 1992 hodzie, u pryvatnaści, chto jaho zasnavalnik, jak arhanizoŭvałasia dziejnaść, jakoje dačynieńnie mieła da zamiežnych pakazaŭ.
Zakranajučy zamiežnyja pajezdki, Varłamaŭ skazaŭ, što ŭ 2001 hodzie jamu prapanavali ŭziać udzieł u fiestyvali ŭ Bierlinie.Jon vykazaŭ hatoŭnaść pryvieźci 100 čałaviek dla pakazu biełaruskaj i niamieckaj mody. Vystupać płanavałasia na podyumie daŭžynioj 1 km.
Varłamaŭ navat pamiataje kalekcyju z Bresta. U Bierlinie, jak śćviardžaje Varłamaŭ, pradstaŭlaŭsia navat nie jon, nie «Ahienctva Varłamava» i nie «Młyn mody», a Biełaruski dziaržaŭny ŭniviersitet. Kamandzirovačnyja, pavodle słoŭ madeljera, byli mizernyja — 10 abo 15 jeŭra, ab pražyvańni i charčavańni tam Varłamaŭ damaŭlaŭsia z arhanizatarami sam. Tak adbyłasia pieršaja mižnarodnaja tvorčaja majsternia ŭ ramkach «Młyna mody». Z tych por u Bierlin jeździli štohod.
Zatym Varłamaŭ raskazaŭ ab pajezdcy ŭ Rym u 2005 hodzie, u chodzie jakoj, jak śćviardžaje jon, kamandzirovačnych nie było.Zatoje adzin raz było techničnaje zabieśpiačeńnie pakazu kalekcyj. Potym Varłamaŭ dabivaŭsia ŭ Minadukacyi, kab hetaje techničnaje zabieśpiačeńnie prysutničała.
Varłamaŭ skazaŭ, što pierad kožnaj pajezdkaj šukaŭ sponsaraŭ, vyrašaŭ sam šmat pytańniaŭ, jakija pavinien byŭ vyrašać BDU. U Jeŭropu madeljer dabiraŭsia ledź ci nie na spadarožnych mašynach.Hetaja praca pačynałasia za paŭhoda da pakazaŭ. I ŭ 2006 hodzie jon uźniaŭ pytańnie, što jamu adnamu było ciažka rabić, ale jon mieŭ na mecie stvareńnie ŭ Biełarusi centra maładziožnaj mody, jakoha ŭ Jeŭropie jašče nie było. Havorka išła mienavita ab maładziožnaj modzie. U im navučalnyja ŭstanovy ź dziasiatka jeŭrapiejskich krain (Bielhii, Hiermanii, Šviecyi, Italii, Litvy i h.d) hatovyja byli vyrablać i pradavać svaje vyraby. «Minsk moh stać centram maładziožnaj jeŭrapiejskaj mody», — upeŭnieny jon.
U 2006 hodzie ŭ Varłamava ŭźnikli finansavyja ciažkaści, BDU nie vydzieliŭ srodkaŭ, śćviardžaje madeljer.Havorka išła ab techničnym zabieśpiačeńni pakazu, ab furšecie paśla pakazu, bo, jak zajaviŭ Varłamaŭ, «biez furšetu pakazu niama» — mienavita tam vyrašajucca ŭsie samyja važnyja pytańni. Pavodle słoŭ Varłamava, u Minadukacyi jamu skazali, što daduć sutačnyja, a što ź imi jon budzie rabić, to heta jaho sprava. I dadali, što dla atrymańnia hrošaj na techničnaje asnaščeńnie treba mianiać instrukcyju Minadukacyi, čaho doŭha i dabivaŭsia Varłamaŭ.
Jon taksama skazaŭ, što ŭ 2007 hodzie davodziłasia mieć dva vidy zaprašeńnia: u adnym biełaruski bok braŭ na siabie ŭvieś «hruz techničnaj častki», u druhim — usie raschody braŭ na siabie zaprašajučy bok. Mienavita ź im išli ŭ pasolstva zamiežnaj dziaržavy dla afarmleńnia ŭsich dakumientaŭ pierad pajezdkaj i zahadzia atrymlivali vizy.
Raskazvajučy ab pošuku sponsaraŭ dla biełaruskich pakazaŭ za miažoj, Varłamaŭ paviedamiŭ, što davodziłasia pastajanna pazyčać hrošy, u tym liku ŭ baćkoŭ madelej.U vyniku madeljer byŭ u pastajannych daŭhach. U 2007 hodzie dla ŭsioj delehacyi amal z 60 čałaviek, ź jakich 52 uvachodzili ŭ aficyjna zaćvierdžanuju častku, kuplaŭ vizy za asabistyja hrošy. Niekatoryja baćki potym košt viz u 60 jeŭra viarnuli, častka — nie.
