Tarhi pryznačanyja na 20 lutaha, pačatkovaja cana kompleksu budynkaŭ i prava zaklučeńnia piacihadovaj damovy arendy ziamielnaha ŭčastka pamieram kala 2,7 ha składaje 27,78 młrd rubloŭ.
Zajaŭki arhanizatary prymajuć da 18 lutaha ŭklučna.
Patencyjny pieramožca tarhoŭ pavinien rekanstrujavać nabytuju majomaść u 4-zorkavy hatel. Pry hetym jamu daviadziecca pracavać aściarožna, bo hetyja budynki — pomniki horadabudaŭnictva i architektury i adnosiacca da nieruchomaj i historyka-kulturnaj kaštoŭnaści.
Prapanavanyja da tarhoŭ abjekty pabudavanyja ŭ 1896, 1897 i 1900 hadach byłym uładalnikam Łošyckaha majontka, adnym z najbahaciejšych ludziej darevalucyjnaj Biełarusi Jaŭstafijem Lubanskim.
Siabru Dziaržaŭnaj dumy i hałosnamu hubiernskaha ziemstva naležali falvarak Viesiałoŭka ŭ Minsku, Łošycki i Astroŭski majontki adpaviedna ŭ Minskim i Ihumienskim (Červienskim) pavietach. U Łošyckim majontku Lubanski na adnym z zavodaŭ vyrablaŭ śpirt-syrec i tut ža pa naradach kazny pierapracoŭvaŭ jaho ŭ śpirt-rektyfikat. Vyrablaŭ śpirt ziemleŭładalnik i ŭ Astroŭskim majontku. Taksama jon byŭ ułaśnikam adnaho z najbujniejšych u Biełarusi droždžava-vinakurnych zavodaŭ u minskaj Sierabrancy, jaki zdavaŭ u arendu.
Akramia taho, Jaŭstafij Lubanski byŭ staršynioj kamiteta Minskaj lasnoj biržy, akcyjanieram i siabram praŭleńnia Akcyjaniernaha tavarystva paravoha kruchmalnaha-patačnaha zavoda «Sokał» u Minsku, jamu naležali akcyi i pai Akcyjaniernaha hramadstva zapałkavaj fabryki «Małanka» i Minskaha tavarystva vinakurnych zavodčykaŭ.
