Epidemičny paroh zachvorvańnia na vostryja reśpiratornyja infiekcyi pieravyšany ŭ Minsku, Hrodnie, Mahilovie, Baranavičach, Maładziečnie, Salihorsku i Barysavie.
Jak paviedamiła hałoŭny epidemijołah Ministerstva achovy zdaroŭja Ina Karaban, u asnoŭnym cyrkulujuć adenavirusy i reśpiratorna-sincycyjalnyja virusy.
Kolkaść vypadkaŭ hrypu pa-raniejšamu nie pieravyšaje epidemičny paroh: u siarednim pa Biełarusi jany składajuć kala 30% usich vypadkaŭ VRI.Čaściej za ŭsio rehistrujuć virus hrypu A (H1N1), jaki vyklikaŭ pandemiju ŭ 2009 hodzie. Taksama adznačajucca vypadki hrypu A (H3N2) i adzinkavyja - hrypu B.
Bolšaść chvorych, jak i raniej, - dzieci.
Jak adznačyła hałoŭny epidemijołah Ministerstva achovy zdaroŭja, najbolš spryjalnaja abstanoŭka pakul zachoŭvajecca ŭ Homielskaj vobłaści, dzie za apošni tydzień nie adbyłosia surjoznaha rostu chvorych na VRI.
Pa słovach Karaban, rašeńnie ab uviadzieńni takich supraćepidemičnych mierapryjemstvaŭ, jak zakryćcio škoł, dziciačych sadoŭ i inšych ustanoŭ, prymajuć miascovyja ŭłady.
Niekalki škoł u Minskaj vobłaści ŭžo začynienyja na karancin.
0
0
0
0
0
0
