Realizacyja prajekta pa zdabyčy Biełaruśsiu nafty na iranskim radoviščy Džafejr poŭnaściu spyniena, paviedamiŭ 5 lutaha napres-kanfierencyi ŭ Minsku pasoł Irana ŭ Biełarusi Machamad Reza Sabury.
Pavodle jaho słoŭ, heta rašeńnie było pryniata prykładna paŭtara hoda tamu. «Prajekt bolš nie isnuje, nijakija raboty pa im nie viaducca», — paćvierdziŭ iranski dypłamat.
Adkazvajučy na pytańnie ab pryčynach zakryćcia prajekta, jon skazaŭ, što ŭźnikli pravavyja i techničnyja prablemy, ale nie staŭ udakładniać, jakija mienavita.«My nie zmahli dasiahnuć zhody ŭ vyrašeńni hetych prablem, tamu spynili pracu, — skazaŭ Machamad Reza Sabury. — Spadziajemsia, što Biełaruś, vykarystoŭvajučy svoj vopyt u naftavaj śfiery, zmoža ŭdzielničać u inšych prajektach u Iranie».
Prajekt mieŭ na mecie arhanizacyju zdabyčy nafty biełaruskim bokam na radoviščy Džafejr.Praciahłaść radovišča składaje 22 km udoŭžki i 10 km ušyrki, zapasy nafty aceńvajucca ŭ hihanckija 2,1 młrd barelaŭ.
Kantraktnaje pahadnieńnie na 500 miljonaŭ dołaraŭ ZŠA było zaklučana «Biełarusnaftaj» i Nacyjanalnaj iranskaj naftavaj kampanijaj (NINK) u vieraśni 2007 hoda.Biełaruskaja kampanija atrymała prava na raspracoŭku radovišča Džafejr. Stratehija raźvićcia enierhietyčnaha patencyjału Biełarusi na pieryjad da kanca 2020 hoda praduhledžvaje zdabyču ŭ Iranie bolš jak 9 miljonaŭ ton nafty.
U žniŭni 2011 hoda vytvorčaje abjadnańnie «Biełarusnafta» aficyjna abjaviła pra vychad z kantrakta pa raspracoŭcy radovišča Džafejr. Jak zaznačałasia ŭ paviedamleńni «Biełarusnafty», kantrakt, padpisany ŭ 2007 hodzie, praduhledžvaŭ raspracoŭku radovišča Džafejr u niekalki etapaŭ. Pieršy etap byŭ zavieršany ŭ vieraśni 2010 hoda.
Adnak «padčas rabot byli vyjaŭlenyja novyja danyja ab hieałahičnaj pabudovie radovišča, jakija abumovili źmianieńnie techničnych i«Uličvajučy heta, pradpryjemstva „Biełarusnafta“ pryniało rašeńnie ab vychadzie z hetaha kantrakta paśla pieršaha etapu», — rastłumačyła biełaruskaja kampanija.finansava-ekanamičnych umoŭ realizacyi prajekta».
Miž tym, jak paviedamlała iranskaje infarmahienctva Mehr sa spasyłkaj na krynicu ŭ NINK, pryčynaj skasavańnia kantrakta stali roznahałośsi bakoŭ, što tyčylisia mietadaŭ i technałohij viadzieńnia rabot, a taksama hrašovaj kampiensacyi iranskamu boku za vykarystańnie Biełaruśsiu radovišča.Biełaruski bok, pavodle słoŭ krynicy, nie vykanaŭ svaje abaviazacielstvy pa kantrakcie. Zhodna z dahavoram, «Biełarusnafta» abviazvałasia zdabyvać prynamsi 3,5 tysiačy barelaŭ nafty za sutki, ale zdabyvała mienš za 2,8 tysiačy barelaŭ, paviedamlaje Mehr.
Varta taksama zaznačyć, što ŭ sakaviku 2011 hoda ŭrad ZŠA ŭvioŭ sankcyi ŭ dačynieńni da «Biełarusnafty». Padstavaj dla hetaha stała supracoŭnictva biełaruskaj kampanii ź Iranam u naftavaj śfiery. Sankcyi faktyčna zakryvajuć dostup «Biełarusnafcie» na amierykanski rynak. Raniej ZŠA ŭviali ekanamičnyja sankcyi i suprać iranskaj enierhietyčnaj kampanii «Naftjiran intertrejd», ź jakoj supracoŭničaje «Biełarusnafta», z metaj «uzmacnieńnia nacisku na Iran za jaho admovu vykanać svaje mižnarodnyja abaviazacielstvy ŭ suviazi ź jadziernaj prahramaj».
