Zhodna z dakumientam, elektryčnaja enierhija ŭ žyłych damach (kvaterach), abstalavanych va ŭstanoŭlenym paradku elektryčnymi plitami, pa adnastavačnym taryfie z 1 lutaha budzie kaštavać 324,9 rubla za 1 kVt·hadz (ciapier - 274,4 za 1 kVt· hadz), pa dyfierencyravanym taryfie -- 227,4 za 1 kVt·hadz u pieryjad minimalnych nahruzak z 22.00 da 17.00 (ciapier - 192,1 rubla) i 649,8 za 1 kVt·hadz u pieryjad maksimalnych nahruzak z 17.00 da 22.00 (ciapier - 548,8 rubla).
Elektraenierhija dla patreb aciapleńnia i haračaha vodazabieśpiačeńnia z dałučanaj mahutnaściu abstalavańnia bolš za 5 kVt padaražeje da Br382,4 za 1 kVt·hadz u pieryjad minimalnych nahruzak z 23.00 da 6.00 (ciapier - Br323) i da Br1147, 2 za 1 kVt·hadz u astatni čas sutak (ciapier - Br969).
Elektryčnaja enierhija, za vyklučeńniem ukazanaj u papiarednich vypadkach, pa adnastavačnym taryfie z 1 lutaha abyjdziecca žycharam krainy ŭ 382,4 rubla za 1 kVt·hadz (ciapier - Br323),pa dyfierencyravanych taryfach - Br267,7 za 1 kVt·hadz u pieryjad minimalnych nahruzak z 22.00 da 17.00 (ciapier - Br226, 1) i Br764,8 za 1 kVt·hadz u pieryjad maksimalnych nahruzak z 17.00 da 22.00 (ciapier - Br646).
Papiaredni raz taryfy na elektraenierhiju dla nasielnictva byli pavyšany z 1 studzienia 2013 hoda.
U Biełarusi z 1 lutaha 2013 h ŭvodzicca dyfierencyjavanaja apłata za elektraenierhiju i hazazabieśpiačeńnie.Heta praduhledžana pastanovaj Savieta Ministraŭ №52 ad 23 studzienia 2013 hoda. Zhodna z dakumientam, ustanaŭlivajecca trochstupieńčataja sistema taryfaŭ u zaležnaści ad abjomaŭ spažyvańnia elektraenierhii i hazu.
Da prykładu, dla hramadzian, jakija pražyvajuć u damach, abstalavanych elektraplitami, pry štomiesiačnym spažyvańni da 250 kVt·hadz elektraenierhii apłata budzie pravodzicca pa taryfach, ustanoŭlenych zakanadaŭstvam.
Pry spažyvańni ad 250 da 400 kVt·hadz uklučna - pa ŭstanoŭlenych taryfach z prymianieńniem pavyšalnaha kaeficyjenta 1,3, ale nie vyšej za taryfy, jakija zabiaśpiečvajuć poŭnaje pakryćcio ekanamična abhruntavanych zatrat na ich akazańnie. Kali spažyvańnie elektraenierhii pieravyšaje 400 kVt·hadz u miesiac, apłata budzie bracca pa taryfach, što zabiaśpiečvajuć poŭnaje pakryćcio ekanamična abhruntavanych zatrat na ich akazańnie.
